Prezident Ákimshiligi Basshysynyń orynbasary – Ulttyq quryltai Hatshysy Aida Balaeva «Qoǵamdyq konsolidatsiia» sektsiiasynyń moderatory boldy.
Talqylaýǵa belgili qoǵam qairatkerleri, Parlament depýtattary, qoǵamdyq keńester músheleri, BAQ basshylary, sarapshylar, onyń ishinde Baný Nurǵazieva, Azat Perýashev, Ýais Ersaiynuly, Baidilda Jylqyshiev, Nurtai Sabilianov, Ahmet Muradov, Aigúl Orynbek, Talǵat Qaliev, Táttigúl Talaeva qatysty.
Ulttyq quryltai músheleri azamattyq qoǵamdy damytý jáne etnosaralyq birlikti nyǵaitý, qoǵamdyq birlestikterdiń qyzmetin zańnamalyq retteý, ulttyq ideologiialyq kún tártibin qalyptastyrý erekshelikteri, óńirlerdegi qoǵamdyq keńesterdiń róli máselelerine basa nazar aýdardy.
Budan bólek, halyq arasynda quqyqtyq saýattylyqty arttyrý máselesi kóterildi. Sarapshylar notariýstardy, advokattardy, politsiia qyzmetkerlerin, prokýratýra men sot oryndaýshylaryn tarta otyryp, azamattar úshin qoǵamdyq konsýltatsiialar uiymdastyrý tájiribesin qaita jandandyrýdy usyndy.
Ulttyq quryltai músheleri otandyq BAQ pen media kontentti damytýǵa, olardyń qoǵamdyq konsolidatsiiany nyǵaitý qundylyqtaryn ilgeriletýdegi róline qatysty pikirlerimen bólisti.
Mádeniet jáne sport ministri Ashat Oralov moderator bolǵan «Mádeniet. Óner. Rýhaniiat» jumys sektsiiasynyń otyrysynda mádeni-rýhani damý máseleleri qaraldy.
Ulttyq quryltai músheleri qazirgi zamanǵy avtorlardyń ádebi shyǵarmalaryndaǵy ulttyq qundylyqtardy ilgeriletý, otandyq ádebiet pen kinony damytý máselelerin qozǵady. Sonymen qatar mýzeiler, mádeni ortalyqtar, kitaphanalardyń, ásirese aýyldyq jerlerdegi jumysy, jas talanttardy ilgeriletý jáne kreativti indýstriiany damytýdy qoldaý taqyryptary kóterildi.
Jas urpaqty tárbieleý men olardyń bilimge degen qushtarlyǵyn oiatý, salaýatty ómir saltyn, eńbekqorlyqty, patriotizmdi nasihattaý máselelerine kóńil bólindi. Buqaralyq sportty damytý jóninde usynystar jasaldy.
Qoǵam qairatkerleri, Parlament depýtattary, shyǵarmashylyq ziialy qaýym ókilderi, jastar uiymdarynyń basshylary, atap aitqanda, Nurjan Svetqali, Janarbek Áshimjanov, Dáýlet Turlyhanov, Sáýle Dosjanova, Aidos Sarym, Islambek Saljanov, Baýyrjan Gýbaidýllin, Islam Bairamýkov, Maqsat Tolyqbai, Oljas Súleimen jáne t.b. óz oilaryn ortaǵa saldy.
Ǵylym jáne joǵary bilim ministri Saiasat Nurbek moderator bolǵan «Bilim jáne ǵylym» jumys sektsiiasynyń otyrysy tsifrlyq jáne jańa tehnologiialyq shynaiylyqta qalyptasyp jatqan jas urpaqtyń erekshelikterine arnaldy.
Sektsiia jumysyna oqý-aǵartý ministri Ǵani Beisembaev, qoǵam qairatkerleri, Parlament depýtattary, ǵalymdar men sarapshylar, onyń ishinde Ǵarifolla Esim, Murat Ábenov, Asqar Jumadildaev, Gúlmira Ileýova, Erlan Sairov, Marat Bashimov, Andrei Chebotarev, Amangeldi Tolamisov, Maqsat Jabaǵin, Kárimbek Qurmanaliev, Nurlan Dýlatbekov jáne t.b. qatysty.
Shara barysynda urpaqtar sabaqtastyǵyn saqtaý, joǵary bilim berýdegi reformalardy jetildirý, onyń ishinde joǵary oqý oryndaryn basqarýdyń zamanaýi tetikterin engizý jáne oqytýshylar mártebesin arttyrý máseleleri talqylandy.
Sarapshylar áleýmettik-gýmanitarlyq ǵylymdardy damytý jáne eldiń jalpy ideologiialyq negizin qalyptastyrý taqyrybyna da toqtaldy.
Sektsiia jumysy aiasynda orta bilim berý, ásirese aýyldyq jerlerde mektep infraqurylymyn jaqsartý máseleleri qaraldy.
Jumys sektsiialary otyrystarynyń qorytyndysy boiynsha Ulttyq quryltai músheleriniń usynystaryn memlekettik organdarmen birlesip iske asyrý jónindegi is-sharalardyń arnaiy jospary ázirlenedi.
