Túrkistanda jarty jylda 300 adam kásipkerlikti qolǵa aldy
2018 jyldyń I jarty jyldyǵynda atqarylǵan jumystardyń ishinde «Aýyl sharýashylyǵyn qarjylai qoldaý qory» AQ-y oblystyq filialy arqyly 260 tulǵany nesielendirilse (1 122,5 myń teńge), onyń 184 birligi mal sharýashylyǵyna qatysty kásip túri bolyp tabylady. 6 paiyzdyq ústemesimen 7 jyl merzimge berilgen ózge de birlikter jylyjai, jihaz óndirisi jáne shashtaraz kásipshiligine bailanysty ister bolyp otyr. «Nátijeli jumyspen qamtý jáne jappai kásipkerlikti damytýdyń 2017-2021 jyldarǵa arnalǵan» baǵdarlamasyn iske asyrýdyń ekinshi tarmaǵy – «Agrarlyq nesie korporatsiiasy» AQ-y arqyly 64 tulǵaǵa (201 652 myń teńge) 6 paiyzben 7 jyl merzimge nesie berilipti. Onyń 63 birligi mal sharýashylyǵyna qatysty bolsa, 1-ýi jylyjai óndirisine tiesili.
Odan bólek, nátijeli jumyspen qamtý, jappai kásipkerlikti jáne kooperativterdi damytýǵa respýblikalyq biýdjetten qosymsha 3 mlrd. teńgege biýdjettik ótinim berilip, onyń 1,8 mlrd. teńgesi qoldaý tapqan.
