Túrkistan – Tashkent. Ortaq týristik baǵdar qurylady.
Eki kóne shahardyń arasynda saiahatshylardy tasymaldaityn Túrkistan-Tashkent, Tashkent-Túrkistan týristik avtobýs baǵyttary ashylyp, eki eldiń týroperatorlary Halyqaralyq kórmelerde bir stendte birlesip qatysatyn bolady. Mundai kelisimge «Ontustik Tourism Center» Týristik Aqparattyq ortalyǵy Tashkent qalasynda uiymdastyrǵan «Jibek jolyndaǵy týrizm – Work Shop» is-sharasy aiasynda qol jetkizildi.
Atalǵan is-sharaǵa Túrkistan oblysy ákiminiń orynbasary E.Tasjúrekov bastaǵan delegattsiia men Ózbekstan Respýblikasynyń Týrizm jónindegi memlekettik komitetiniń basshylyǵy jáne baýyrlas eki elden 60-qa jýyq týristik firma ókilderi qatysty.
Jiyn barysynda Qazaqstan men Ózbekstannyń týristik áleýeti men jańa jáne qazirgi zamanǵy týristik baǵyttardy birlesip damytý múmkindikteri qaralyp, sonyń ishinde Jibek jolyndaǵy aralas týrlar boiynsha prezentatsiialar usynyldy. Budan bólek, týristik kompaniialar, qonaq úiler men meditsinalyq mekemelerdiń ókilderi arasynda «B2B» kezdesýler ótti.
Kórshi elderdi ásirese ziiarat, saýyqtyrý, eko jáne ekstremaldy týrizm qyzyqtyryp otyr. Baýyrlas elder arasyndaǵy vizasyz rejim barys-kelisti jaqsartqan. Endi qolǵa alynǵan birlesken týristik baǵyt saiahatshylar sanynyń artýyna negiz bolady, deidi mamandar.
Olardyń aitýynsha, Túrkistan oblysynda eko týrizm, meditsinalyq týrizm, taýlyq týrizm, jastarǵa arnalǵan týrizm jáne ziiarat týrizmi syndy qosymsha 20-ǵa jýyq jańa týristtik baǵyttar ashylyp otyr.
Is-shara nátijesinde eki eldiń týristik kompaniialary arasynda yntymaqtastyq týraly birqatar kelisimderge qol qoiyldy.
Forým aiasynda Qazaqstandaǵy Ózbekstan jyly jáne jańadan qurylǵan Túrkistan oblysynyń tarihi ári ásem jerlerinen syr shertetin «Túrkistan ońtústiktiń júregi» atty fotokórme de uiymdastyryldy.
Kórmege kelýshilerge 16 ekspozitsiia usynyldy, fotosýretterde qazaq halqynyń kórikti nysandary men jerleri, ádet-ǵuryptary men oiyndary beinelengen.
Túrkistan oblysy ákiminiń baspasóz qyzmeti
