Jeri qunarly, aýa-raıy qolaıly Túrkistan oblysy – elimizdegi aýyl sharýashyly damyǵan aldyńǵy qatardaǵy óńir. Jyl basynan beri aýyl sharýashylyǵyndaǵy jalpy ónim kólemi 163,5 mlrd teńgeni qurap, naqty kólem ındeksi 102,0%-ǵa oryndaldy. Onyń ishinde: ósimdik sharýashylyǵy 21,9 mlrd. teńgeni qurasa, mal sharýashylyǵynda 139,5 mlrd. teńgeniń ónimi óndirildi. Respýblıkadaǵy úlesi 14,1%-dy qurap otyr, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Aýyl sharýashylyǵynyń negizgi kapıtalyna 10,1 mlrd teńge ınvestısıa tartylyp, tıisti kezeńmen salystyrǵanda 217,9%-ǵa artsa, tamaq óndirisiniń negizgi kapıtalyna 1,1 mlrd teńge ınvestısıa tartylyp, tıisti kezeńmen salystyrǵanda 147,5%-ǵa ósti.

Bıyl AÓK salasyna jalpy quny 54,1 mlrd teńgeni quraıtyn 60 jobany iske asyrý josparlanǵan.

Qazirgi tańda quny 4,9 mlrd teńge bolatyn 16 joba iske qosyldy. Atap aıtsaq, 200 basqa arnalǵan taýarly sút fermasy, 4 mal bordaqylaý alańy, 3 sút óńdeý sehy, 2,1 gektar aýmaqqa 2 fermerlik jylyjaı salyndy.

Sonymen qatar 490 gektar jańbyrlatyp sýarý boıynsha 3 joba, balyq ósirý boıynsha 3 joba júzege asyryldy.

Budan bólek, quny 107,3 mln dollar bolatyn 271,5 myń tonna aýyl sharýashylyǵy ónimi shet elderge eksportaldy.

Bul kórsetkish ótken jyldyń tıisti kezeńimen salystyrǵanda 1,5 esege ulǵaıǵan. Onyń ishinde: ósimdik sharýashylyǵy – 214,4 myń tonna  (34,8 mln dollar),  mal sharýashylyǵy, 5,0 myń tonna (19,6 mln dollar) bolsa,  52,0 myń tonna (52,7 mln dollar) qaıta óńdeý ónimderi eksportqa jóneltildi.