Aýyl sharýashylyǵynyń negizgi kapitalyna 10,1 mlrd teńge investitsiia tartylyp, tiisti kezeńmen salystyrǵanda 217,9%-ǵa artsa, tamaq óndirisiniń negizgi kapitalyna 1,1 mlrd teńge investitsiia tartylyp, tiisti kezeńmen salystyrǵanda 147,5%-ǵa ósti.
Biyl AÓK salasyna jalpy quny 54,1 mlrd teńgeni quraityn 60 jobany iske asyrý josparlanǵan.
Qazirgi tańda quny 4,9 mlrd teńge bolatyn 16 joba iske qosyldy. Atap aitsaq, 200 basqa arnalǵan taýarly sút fermasy, 4 mal bordaqylaý alańy, 3 sút óńdeý tsehy, 2,1 gektar aýmaqqa 2 fermerlik jylyjai salyndy.
Sonymen qatar 490 gektar jańbyrlatyp sýarý boiynsha 3 joba, balyq ósirý boiynsha 3 joba júzege asyryldy.
Budan bólek, quny 107,3 mln dollar bolatyn 271,5 myń tonna aýyl sharýashylyǵy ónimi shet elderge eksportaldy.
Bul kórsetkish ótken jyldyń tiisti kezeńimen salystyrǵanda 1,5 esege ulǵaiǵan. Onyń ishinde: ósimdik sharýashylyǵy – 214,4 myń tonna (34,8 mln dollar), mal sharýashylyǵy, 5,0 myń tonna (19,6 mln dollar) bolsa, 52,0 myń tonna (52,7 mln dollar) qaita óńdeý ónimderi eksportqa jóneltildi.
