Óńir basshysy atalǵan stansanyń iske qosylýy Táýelsizdik merekesine oraı oblys turǵyndary úshin syı bolǵandyǵyn jetkizdi.
«Túrkistan» kompresorlyq stancasynyń qurylysy 7 aıdyń ishinde aıaqtaldy. Bul stansanyń salynýy oblysymyzdyń ekonomıkalyq damýyna eleýli úles qosatyn bolady. Máselen, qubyrdyń gaz ótkizý múmkindigi 5 mlrd. m3 kólemge artyp otyr. Sondaı-aq, stansada qazirgi tańda 50 shaqty azamat jumyspen qamtyldy. Osyndaı joǵary deńgeıdegi, sapaly qurylysty iske qosqan «QazTransGaz» kompanıasy basshylyǵyna alǵys bildiremin. Bul oblys úshin eleýli oqıǵa», - dedi Janseıit Qanseıituly.
Jańa stansıanyń iske qosylýy gaz jáne gazben jabdyqtaý salasyndaǵy jyl saıyn ósip otyrǵan qajettilikterdi óteý úshin, ásirese jylytý kezeńindegi eń kóp júkteme kezinde elimizdiń ońtústik óńirlerine gazdy toqtaýsyz tasymaldaý prosesiniń barynsha senimdiligin qamtamasyz etýge múmkindik beredi.
Bıylǵy jyldyń qazan aıynda otandyq gazdy Qytaıǵa eksporttaýdy eki esege arttyrý týraly kelisimshartqa qol qoıylǵan bolatyn. Sondyqtan «Beıneý-Bozoı-SHymkent» gaz qubyrynyń ótkizý qabiletin jylyna 10 mlrd. tekshe metrden jylyna 15 mlrd. tekshe metrge deıin arttyrý arqyly respýblıkanyń ońtústiginiń 5 mlrd. tekshe metr kólemindegi kógildir otynǵa degen qajettiligi qamtamasyz etiledi jáne 10 mıllıard tekshe metr gaz eksportqa baǵyttalady.
Kompresorlyq stansıalardy salý kezinde paıdalanylǵan ınovasıalyq jabdyqtar men kómekshi júıeler kesheni - magıstraldyq gaz qubyryn paıdalaný kezeńinde qaýipsiz ári tehnologıalyq turǵydan irkilissiz tasymaldaýdy qamtamasyz ete alady.
Túrkistan oblysy ákiminiń baspasóz qyzmeti
