Túrkistan ejelgi órkeniettiń saqshysy bolǵan qala
Qazaqstan egemendigin alyp, damý jolyna túskeli beri burynǵy Ońtústik Qazaqstan oblysy Túrkistan oblysy dep atalyp, óziniń HH ǵasyrdaǵy tarihi ataýyna qaita ie boldy. Jahandyq geosaiasatta Qazaqstan Túrkistan oblysyn qaita qurǵandyǵyn, bul óz kezeginde, barsha túrki álemine úlken qýanysh syilaǵandyǵy anyq.
Túrkistan oblysynyń qaita qurylýy aqiqatynda saiasi mańyzdy sheshim. Túrkistandy qazaq halqynyń qaimaǵy buzylmaǵan, jalpy, túrki áleminiń basyn bir arnada toǵystyratyn ortalyqty jasaqtap, ony órkenietti qalaǵa ainaldyrýy bolashaqta eldi biik tabystarǵa jeteleitin strategiialyq josparlardyń eń irgelisi. Atap óterligi, Túrkistan oblysynyń qurylýyn barsha túrki álemi jyly qabyldady, aimaq qaita túlep, tyń tynysy ashyldy. Sebebi Túrkistan qalasynyń qaitadan jańǵyrýy, órkenietke sai qalanyń damýy, qatar ómir súrip otyrǵan kórshiles memlekettermen saltanaty kelisken qalanyń paida bolýy úlken áleýet berýde.
Túrkistan buǵan deiin ejelgi órkeniettiń saqshysy bolǵan qala edi, endi ekinshi salynǵan elordasy ispettes» degen saiasattanýshy Túrkistannyń oblysqa ainalýy, al Shymkenttiń respýblikalyq mańyzy bar qala statýsyna ie bolýy – el damýynyń alǵysharty.
Prezident Jarlyqty jariialaǵannan keiin aimaqqa memlekettik sapar jasap, bastamany óz baqylaýyna aldy. Qazirgi ýaqytta aimaqta saiasi protsester de, áleýmettik jaǵdailar da ózgerý ústinde, mundaǵy indýstriialandyrý jaiynyń da úlken saiasi sheshimi bar.
29 qyrkúiekte Memleket basshysy Nursultan Nazarbaev Túrkistan oblysynyń áleýmettik-ekonomikalyq damý máseleleri jóninde keńes ótkizý barysynda aimaqtaǵy halyqty jumyspen qamtý, kásipkerlikti órkendetý, aýyl sharýashylyǵyn damytý, kólik-logistika qyzmetteriniń sapasyn arttyrý úshin jaǵdai jasaýdyń mańyzdylyǵyn atap ótti.
«Ortalyq Aziia» halyqaralyq saýda aimaǵyn qurý múmkindigin qarastyrǵan jón. Bul Túrkistan oblysymen qatar, jalpy respýblika ekonomikasynyń da órkendeýine tyń serpin beredi. 2020 jylǵa qarai Ózbekstanmen aradaǵy taýar ainalymyn 5 milliard AQSh dollaryna deiin arttyrýǵa áleýetimiz jetedi. Osyǵan bailanysty Úkimetke Túrkistan oblysynyń ákimdigimen birlesip, Ózbekstan tarapymen Halyqaralyq saýda aimaǵyn jáne jańa «Túrkistan» halyqaralyq ótkizý beketin qurý máselesin pysyqtaýdy tapsyrdy.
Jomart SIMTIKOV, sarapshy.
