Memleket basshysy Ózbekstan prezidenti Shavkat Mirziioevpen telefon arqyly sóilesti, dep habarlaidy dalanews.kz.
Shavkat Mirziioev Qasym-Jomart Toqaevty Qazaqstan Respýblikasy Quryltaiy depýtattarynyń alǵashqy sailaýy sátti ótýimen quttyqtady. Qasym-Jomart Toqaev Shavkat Mirziioevke qoldaýy men halyqaralyq uiymdar quramynda Ózbekstan baiqaýshylar missiiasyn jibergeni úshin alǵys aitty.
Prezident Ózbekstan kóshbasshysyna elimizde júrgizilip jatqan ishki saiasi ózgerister týraly aityp, Quryltai ozyq, zamanaýi jáne ádiletti Qazaqstan qurýǵa baǵyttalǵan saiasi reformalardyń mańyzdy bóligi ekenine toqtaldy. Taraptar dostyq pen strategiialyq seriktestik rýhynda udaiy nyǵaiyp kele jatqan qazaq-ózbek qarym-qatynasynyń damý barysyna kóńil tolatynyn atap ótti.
Áńgimelesý barysynda saýda-ekonomikalyq yqpaldastyqty keńeitýge, kólik-logistika, óndiristik kooperatsiia salalaryndaǵy birlesken investitsiialyq jobalardy júzege asyrýǵa, sondai-aq Qazaqstan men Ózbekstan arasyndaǵy iskerlik toptardyń bailanysyn jandandyrýǵa basa nazar aýdaryldy. Memleketter basshylary óńirlik jáne halyqaralyq kún tártibindegi ózekti máseleler jóninde pikir almasty.
