Tekeli qalasyndaǵy eń uzyn D.Qonaev kóshesinde 23 tamyzda ótetin Quryltai depýtattaryn sailaýdy qoldaý maqsatynda buqaralyq júgirý uiymdastyryldy. Salaýatty ómir saltyn nasihattap, turǵyndardy belsendi qozǵalysqa shaqyrǵan is-sharaǵa qala turǵyndary, jastar, sportsúier qaýym qatysty, dep habarlaidy dalanews.kz.
Jappai júgirýge qatysýshylar D.Qonaev kóshesindegi temirjol ótkelinen bastap, baqylaý alańyna deiingi 2,5 shaqyrym joldy júgirip ótti. Sporttyq shara qala turǵyndaryna kóterińki kóńil-kúi syilap, densaýlyqqa paidaly ádetti qalyptastyrýdyń mańyzyn taǵy bir márte aiqyndady.
Jappai júgirýge qatysqandardyń eń úlkeni 55 jastaǵy qalalyq Mádeniet úiiniń ádiskeri Farida Kópeldesova bolsa, eń kishisi 12 jastaǵy jas óren. Júgirýge qatysýshylar máre syzyǵyn kesip ótkennen keiin Tekeli qalasy ishki saiasat bóliminiń basshysy Nurjamal Shohanova men «Jetisý oblysynyń buqaralyq sportty damytý jáne sporttyq is-sharalardy ótkizý sport klýby» KMM Tekeli qalalyq filialynyń basshysy Ǵalymjan Súleimenov kópshilikke jyly lebizderin jetkizip, aldyńǵy qatardan kóringen belsendilerdi marapattap, estelik syilyqtar tabys etti.
«Shapaǵat» Tekeli arnaýly áleýmettik kómek kórsetý ortalyǵynyń qyzmetkeri Erlan Kókeev júgirýdiń adam densaýlyǵyna ǵana emes, qoǵam belsendiligine de oń yqpal etetinin atap ótti.
– Men salaýatty ómir saltyn qoldaimyn. Sondyqtan júgirý marafonyna qulshynyspen qatystym. Aramyzda jastardyń kóp bolǵany qýantty. Jastar da, úlkender de densaýlyǵy myqty bolýy kerek. Sonda elge paida tigizetin is jasai alady. Jalpy qoǵamdyq is-sharalarǵa belsene qatysý kerek. Aldymyzda elimizdiń damýyndaǵy jańa kezeń – Quryltai depýtattaryn sailaý tur. Oǵan da bir kisidei qatysyp, azamattyq tańdaýymyzdy jasaǵanymyz jón, – dedi ol.
Deni saý ult el damýynyń ózegi ekeni ras. Al qoǵamdyq ómirge belsendi aralasý – azamattyń el aldyndaǵy jaýapkershiligin sezinýdiń kórinisi. Sporttyq is-sharada bas qosqan qala turǵyndarynyń belsendiligi de osyny ańǵartty.
– Men júgirý jarysyna aǵammen birge keldim. №1 orta mektebiniń 8-synybynda oqimyn. Sportqa janym qumar. Karate úiirmesine qatysamyn. Osyndai buqaralyq is-sharalarǵa qatysyp, úlkenderden úirenerim kóp, – dep pikir bildirdi 13 jastaǵy Iýlia Chýchakina.
Tekelide jappai júgirý is-sharasy ótetinin áleýmettik jeliden kórip, Aqsý aýdanyndaǵy Arasan aýylynan bes jas sportshy kelip qatysty. Olardyń eń kishisi 12 jastaǵy Biregei Qumar:
– Bizdi jeńil atletikadan jattyqtyratyn aǵaiymyz alyp keldi. Ózi de jarysqa qatysty. Men máre syzyǵyn tórtinshi bolyp kesip, syilyqqa ie boldym. Tekelidegi eń uzyn D.Qonaev kóshesiniń boiymen júgirip kele jatyp, keýdemdi maqtanysh kernedi. Týǵan jerimizdiń osyndai tamasha jerlerin kórip, tanyp, keleshekte elimizdiń mártebesin biiktetýge kúsh salýymyz kerek, – dep áserimen bólisti.
Dál osyndai salaýatty ómir saltyn, belsendi azamattyq ustanymdy jáne qoǵamdyq birlikti nasihattaityn igi bastama qala turǵyndaryn ortaq iske jumylýǵa jáne el ómirindegi mańyzdy máselelerge beijai qaramaýǵa úndeidi.
