Táýelsiz baiqaýshylardyń Aqparattyq shtaby 23 tamyzda daýys berý kúni jumys isteýge daiyndyqty aiaqtady, dep habarlaidy dalanews.kz.
Daiyndyq kezeńiniń negizgi nátijesi – Qazaqstannyń barlyq 20 óńirin qamtityn biryńǵai aqparattyq jeliniń qalyptasýy. Bul týraly Almaty qalasyndaǵy Qoǵamdyq kommýnikatsiialar ortalyǵynda ótken Táýelsiz baiqaýshylardyń Aqparattyq shtabynyń brifinginde málimdeldi.
23 tamyzda Aqparattyq shtab saǵat 07:00-den 00:00-ge deiin jumys isteidi. Negizgi alań Almaty qalasyndaǵy stýdiia bolady. Osy jerden kúni boiy aqparattyq efir uiymdastyrylady. Stýdiiaǵa elimizdiń ár óńirindegi áriptester tikelei efir arqyly qosylyp otyrady.
Óńirlik jeliniń ókilderi jergilikti jerlerdegi táýelsiz baiqaýshylarmen ózara bailanys ornatyp, ózekti aqparatty qabyldaidy jáne ony Aqparattyq shtabqa jiberedi.
«Daiyndyq kezeńi aiaqtaldy. Búginde elimizdiń barlyq 20 óńirin qamtityn ózara is-qimyl jelisi qalyptasty. 23 tamyzda saǵat 07:00-den 00:00-ge deiin Aqparattyq shtab úzdiksiz aqparattyq rejimde jumys isteidi. Kúni boiy ortalyq stýdiiaǵa óńirlerdegi áriptesterimiz tikelei efir arqyly qosylady. Bizdiń mindetimiz – eldegi jalpy jaǵdaidy kórý, jergilikti jerlerden aqparatty jedel alý jáne daýys berý kúniniń qalai ótip jatqanyn kórsetý», – dedi Táýelsiz baiqaýshylardyń Aqparattyq shtabynyń jetekshisi Rafael Gasanov.
Aqparattyq shtabtyń efirlik kestesinde óńirlerden turaqty tikelei qosylymdar, brifingter, azamattyq qoǵam ókilderi men sarapshylardyń pikirleri qarastyrylǵan. Shtab jýrnalisteri Almatydaǵy sailaý ýchaskelerinde de tikelei jumys isteidi. Óńirlerden alǵashqy tikelei qosylymdar saǵat 07:00-den bastalady.
Shtab jumysynyń negizgi baǵyttarynyń biri – kelip túsetin aqparattyń ózektiligi men shynaiylyǵyn tekserý. Óńirlerden kelip túsken habarlamalar jergilikti jerlerdegi áriptestermen ózara bailanys arqyly naqtylanady. Shtabtyń mindeti – rastalǵan faktilerdi tekserilmegen aqparattan ajyratyp, daýys berý kúni qalyptasyp otyrǵan naqty jaǵdai týraly qoǵamdy jedel habardar etý.
«Biz úshin aqparatty jedel alý ǵana emes, onyń ózekti ári shynaiy ekenine kóz jetkizý mańyzdy. Aqparat tekserilgennen keiin ǵana ony buqaralyq aqparat quraldary men qoǵam nazaryna usynamyz. Bizdiń mindetimiz – azamattarǵa elimiz boiynsha daýys berýdiń qalai ótip jatqany týraly obektivti ári shynaiy aqparat berý», – dep atap ótti Rafael Gasanov.
Sonymen qatar Aqparattyq shtab barlyq qazaqstandyqtardy áleýmettik jeliler men messendjerlerde jariialaityn jáne taratatyn aqparatqa jaýapkershilikpen qaraýǵa shaqyrdy.
«Qazaqstandyqtardy ádeii jalǵan jáne tekserilmegen aqparatty taratpaýǵa shaqyramyz. Kez kelgen habarlamany, foto nemese beinematerialdy jariialamas buryn nemese qaita jibermes buryn onyń shynaiylyǵyna kóz jetkizý qajet. Bul ásirese daýys berý kúni óte mańyzdy, óitkeni bul kezeńde aqparat kólemi aitarlyqtai artady. Árqaisymyz jariialap, taratyp otyrǵan aqparatqa jaýapkershilikpen qaraýymyz kerek», – dedi shtab jetekshisi.
23 tamyzda Aqparattyq shtab Almatydaǵy ortalyq alań, óńirlerdiń ókilderi, táýelsiz baiqaýshylar men buqaralyq aqparat quraldary arasyndaǵy turaqty bailanysty qamtamasyz etedi.
Óńirlerden kelip túsetin aqparat jedel qabyldanyp, naqtylanyp jáne tekserilip otyrady. Bul daýys berý kúni boiy BAQ pen qoǵamǵa elimizdegi daýys berý barysy týraly ózekti ári obektivti aqparat usynýǵa múmkindik beredi.
Táýelsiz baiqaýshylardyń Aqparattyq shtaby jumysqa daiyn. Elimizdiń barlyq óńirin qamtityn aqparattyq jeli qalyptastyryldy.
