Ákeli-balaly Statiler ielik etetin ASCOM Group jaǵdaiy tym múshkil. Sońǵy 2 jylda kompaniia 50 milliondai shyǵynǵa batqan. Moldovaǵa salyq bereshegi kóbeiip ketkendikten, onyń memlekettik organdarmen arasy sýyp jatqany da jasyryn emes.
Biraq bul jaǵdaidan olardy Qazaqstan qutqaryp qalmaq.
Shvetsiia soty Stati paidasyna 76 million dollar, al Gibraltar soty 2 million dollar kesip berdi.
Endi ol aqshany Qazaqstan tez arada Statige tóleýi tiis. Bul jaǵdaida Anatoli Stati óz qaryzdaryn jaýyp, jaǵdaiyn túzei alady.
Qazaqstan Stati isinen 1 milliard dollar joǵaltýy múmkin. Elimiz qazirdiń ózinde 500 million dollar bolatyn ótemaqy tóleýdi keiinge qaldyrý úshin sot shyǵyndaryna 300 million dollaryn jumsady. Buǵan qosa, 500 million dollarǵa protsentter júrip jatyr.
Anatoli Stati «Biz Qazaqstannan ótemaqyny asyqpai, biraq senimdi túrde óndirtip jatyrmyz. Birneshe jyl buryn Qazaqstannyń 1 milliard dollardyń jartysyn tólep qutylatyn múmkindigi bolyp edi. Biraq osy qomaqty shyǵyndardan jeke paida kórgender basqasha sheshim qabyldady», – dep otyr.
Stati isin tynysh jasyryp qoiyp, arhivke jibere salý múmkin emes. Keiin osy qatelikter úshin bárinen jaýap suralatyn bolady. 1 milliard dollar ońai aqsha dep aita almaimyz.
