Shyǵys Qazaqstan oblysynyń prokýratýrasy «Zań men tártip» ideologiiasy aiasynda «Quqyqtyq qamqorlyq» turaqty áleýmettik aktsiiasyn bastady, dep habarlaidy dalanews.kz.
Shara barysynda qart adamdarǵa qarjylyq saýattylyqty arttyrýǵa, qarqyndy damyp jatqan tsifrlyq tehnologiialarǵa beiimdelip, internet-alaiaqtardyń qurbany bolmaý qaýpi týraly túsindime jumystary júrgizildi. Qatysýshylarǵa internet-alaiaqtyqtyń keń taralǵan túrleri týraly aitylyp, naqty mysaldar arqyly alaiaqtyqty qalai tanýǵa jáne óz qarajatyn joǵaltpaýǵa bolatyny túsindirildi.
Qazirgi tańda alaiaqtar telefon qońyraýlaryn, messendjerler men áleýmettik jelilerdi belsendi paidalanyp, ózderin bank, quqyq qorǵaý organdary jáne basqa da uiymdardyń qyzmetkerleri retinde tanystyrady. Olar azamattardyń abdyrap qalýyna, senimine jáne týyndaǵan jaǵdaidy tez arada sheshýge degen umtylysyna súienedi.
Sondyqtan «Quqyqtyq qamqorlyq» aktsiiasynyń negizgi mindetteriniń biri – azamattarǵa qaýip týraly eskertip qana qoimai, alaiaqtyq shemalardy ajyrata bilýdi úiretý. Alaiaqtyqtyń negizgi tásilderin bilý jáne tsifrlyq qaýipsizdiktiń qarapaiym erejelerin saqtaý jeke derekter men qarajatty qylmyskerlerden qorǵaýǵa múmkindik beredi.
Mamandar bógde adamdarǵa bank kartalarynyń derekterin, qupiiasózder men SMS arqyly keletin kodtardy habarlamaýǵa, kúmándi siltemelerge ótpeýge jáne beitanys adamdardyń nusqaýy boiynsha qandai da bir qosymshalardy ornatpaýǵa keńes beredi. Kúdik týyndaǵan jaǵdaida áńgimeni toqtatyp, bankke nemese tiisti uiymǵa resmi bailanys arnalary arqyly óz betinshe habarlasý qajet.
