Shyǵys Qazaqstan oblysynda «AK Metal» JShS basshysy D.K. Bektemirov bir jylǵa bas bostandyǵynan aiyryldy, dep habarlaidy dalanews.kz.
Tergeý málimetinshe, seriktestikke berilgen litsenziia tek qatty paidaly qazbalardy barlaýǵa ǵana ruqsat etken. Alaida zerthanalyq jáne tehnologiialyq zertteý degen jeleýmen temir keni men temir keni kontsentraty ónerkásiptik kólemde óndirilip, keiin Qazaqstanda jáne shetelde satylǵan.
Ken óndirý jumystarynyń saldarynan topyraq jamylǵysy búlinip, jerdiń tabiǵi bederi men landshafty ózgergen, taý-ken qazbalary men úiindiler paida bolǵan. Bul aýmaqqa eleýli tehnogendik áser tigizgen. Jalpy 70 myń tonnadan astam ónim zańsyz óndirilip, satylǵan. Qylmystyq jolmen alynǵan tabys 1 mlrd teńgeden asqan.
Sottalǵan adam osy qarajatqa qymbat aktivter satyp alǵan: Land Rover avtokóligi, bes bólmeli páter, úsh kommertsiialyq úi-jai, eki turaq orny jáne Almaty men Almaty oblysyndaǵy eki jer ýchaskesi. Sot quny 1 mlrd teńgeden asatyn bul múlikti memleket kirisine tárkiledi.
Úkim zańdy kúshine engen joq.
