Skrining aýrýdyń aldyn alady
Aýrýdyń aldyn alýdaǵy eń mańyzdy ádis – ol skrining, onyń kómegimen aýrýdy anyqtap, asqynyp ketpeýine jol bermeýge ábden bolady. «Áleýmettik meditsinalyq saqtandyrý qorynyń» Astana qalasyndaǵy filialynyń málimeti boiynsha, biyl jatyr moiynshyǵy, sút bezderi, ishek obyryn anyqtaýda 50 816 adam tekserýden ótti.
Olardyń 3 218-i dispanserlik esepke alyndy, tekserýge 30 ben 70 jas aralyǵyndaǵy azammattar qatysty. Atalǵan aýrý túrleriniń skriningtik zertteýlerine Astana qalasy boiynsha biyl 214,8 mln teńge bólindi.
«ÁMSQ» KEAQ Astana qalasy boiynsha filialynyń direktory N.Qabdyqaparovtyń aitýynsha, skrining kabinetteri barlyq elordalyq emhanalarda bar, jyl saiyn ol jerde orta eseppen alǵanda eki júz myńnan astam patsientterge qyzmet kórsetiledi. Barlyq skriningtik zertteýler tegin meditsinalyq kómektiń kepildik berilgen kólemi sheńberinde jasalady. Azamattyń skrinigten ótýge jas shamasy keletinin nemese kelmeitinin tirkelgen emhanadan bilýge bolady.
Esterińizge sala ketsek, Qazaqstanda 15-shi qyrkúiekten bastap emhanalarǵa tirkeý naýqany júrip jatyr. Eki aiǵa sozylatyn jyl saiynǵy dástúrli naýqan qarashanyń 15-de aiaqtalady. Osy aralyqta azamattar erkin tańdaý quqyǵymen ózine qyzmet kórsetip júrgen emhanasyn aýystyra alady. Astanada bastapqy meditsinalyq-sanitarlyq kómek kórsetetin 44 densaýlyq saqtaý sýbektisi turǵyndardy tirkeidi, onyń 13-shi – jekemenshik emhanalar.
«QmD» aqparat
