SIM: «Ýkrainadaǵy el azamattary evakýatsiialanady»
"Ýkrainadaǵy sońǵy oqiǵalarǵa bailanysty Qazaqstan Respýblikasynyń Kievtegi elshiligi azamattardy evakýatsiialaýdy qamtamasyz etip jatyr" delingen SIM habarlamasynda.
Ýkrainadaǵy Qazaqstan azamattary Qazaqstan Respýblikasynyń elshiligine Kiev qalasy, Ilenko kóshesi, 26 úi mekenjaiy boiynsha jáne "jedel jeli" telefondary arqyly habarlasa alady": +38 (067) 347 04 08 (WhatsApp, Viber), +38 (044) 483 15 96, +38 (044) 489 18 58.
SIM aqparaty boiynsha, otandastarymyz Harkov (konsýldyq okrýg Harkov, Sýmy jáne Poltava oblystaryn qamtidy), Lvov (Volynskaia, Zakarpatskaia, Ivano-Frankovskaia, Rovno, Ternopol, Hmelnitskaia, Chernovetskaia jáne Lvov oblystary), Odessa (Nikolaevskaia, Herson jáne Odessa oblystary) jáne Dnepr (Dnepropetrovsk oblysy) qalalarynda ornalasqan QR qurmetti konsýldarynyń keńselerine júgine alady.
Sonymen qatar, QR Syrtqy ister ministrliginde azamattarǵa +7 (7172) 72-06-06 telefony ashyldy.
Qazirgi ýaqytta ýaqytsha konsýldyq esepte 493 adam tur, olar elshilik qyzmetkerleri men olardyń otbasy músheleri, stýdentter men biznes ókilderi. Turaqty konsýldyq esepte 1110 adam tur. Qazaqstan azamattary Ýkrainanyń Kiev qalasy, Kiev, Odessa, Harkov jáne Lvov oblystarynda turady.
