ShQO-da «Jumyspen qamtýdyń jol kartasy» aiasynda 142 joba qolǵa alynǵan
Búginde barlyq jobalar boiynsha merdiger uiymdar anyqtalyp, kelisim-sharttar jasalǵan, tiisti jumystar júrgizilýde. Jobalardyń basym bóligi óz máresine jetken.
– Abai aýdanynyń Qaraýyl aýylyndaǵy 27 páterli turǵyn úidiń aýlasy, sondai-aq Qunanbai kóshesi abattandyrylyp, Zere, Súndetbai, Qutjanov kósheleriniń kóshe jaryǵyna aǵymdaǵy jóndeý júrgizildi. Bekbosynov jáne Áigerim kóshelerine jaryqtandyrý jelisi tartyldy. Aiagózde Nugmanov, Shákenov kósheleri, Mádeniet aýylyndaǵy Aqjoltai jáne Shakantai kósheleri, Malkeldi aýylyndaǵy Saryarqa kósheleri, Mamyrsý aýylyndaǵy Tólendinov jáne Altynsarin kósheleri, Aqtoǵai kentindegi Baltabekqajy kósheleri jaryqtandyryldy, – delingen ShQO Energetika jáne TÚKSh basqarmasy taratqan aqparatta.
Budan bólek, Barshatas aýylynda Balǵa, Shahantai, Saryarqa kóshelerin jaryqtandyrýǵa aǵymdaǵy jóndeý júrgizildi. Al Aiagóz qalasynda 8 sporttyq vorkaýt alańdary ashylǵan. «Borodýliha aýdanynyń Belaǵash jáne Zenkovka aýyldaryndaǵy kóshelerge jaryq tartylyp, Telegraf, Komarov jáne Lenin kósheleriniń jaryqtandyrý jabdyqtaryna aǵymdaǵy jóndeý jumystary júrgizildi. Sondai-aq Ivanovka jáne Borodýliha aýylyndarynda fýtbol alańdary paida boldy» dep habarlady basqarmadan.
