Vitse-premer Berdibek Saparbaev jumyssyz jastarǵa 50-60 myń teńge ailyqtan bas tartpaýǵa keńes berdi, dep habarlaidy Dalanews.kz.
"Jumysqa ornalasqan jas mamanǵa birden joǵary jalaqy tólemeidi. Jumyspen qamtý ortalyqtary ailyǵy 50-60 myń teńgeni quraityn (157 dollar) jumys usynsa, bas tartpaý kerek.
Ári qarai alyp ketýi mamannyń óz qolynda, tyrbanyp eńbek etse erteńgi kúni ailyǵy da ósedi. Jastarǵa aitarym: jumys isteńder.
Qajet bolsa ek jerge jumysqa turyp, túnde de, demalys kúnderi eńbek etińder, – deidi Úkimetbasynyń orynbasary.
Saparbaev eńbekke jaramdy árbir azamat ózin-ózi asyrap, erinshektikke salynbaýy kerek dep esepteidi. Onyń aitýynsha memleket árbir azamatqa ózin-ózin shiratýǵa, óz qabiletin kórsetýge múmkindik berip otyr. Buǵan mysal retinde Saparbaev "Eńbek" baǵdarlamasyn sóz etti. Baǵdarlama aiasynda jastarǵa óz biznesin bastaýyn úshin granttar men shaǵyn nesieler berilýde.
Qazaqstanda 14 pen 29 jas aralaǵyndaǵy turǵyndardyń sany dál ázir 3,8 mln adamdy quraidy. Bulardyń 2 mln 206 myńy ekonomikalyq belsendi turǵyndar sanalady. 2 mln 121 myń adamnyń turaqty jumysy bar. Al 84,7 adam eki qolǵa bir kúrek tappai qinalýda.
Budan buryn prezident Toqaev jastarǵa ún qatyp, jaqsy oqyǵan jáne erinbei eńbek etken adamnyń armany oryndalatynyn tilge tiek eti.
Byltyrǵy "Jastar jylynda" 2 mln-nan asa memlekettik baǵdarlama aiasynda qoldaýǵa ie bolǵan. Ótken jyly jastar saiasatyn qarjylandyrý buǵan deiingi kezeńmen salystyrǵanda 40 ese ósken.
