Belsendi Sanjar Boqaev pen Ulan Núsipqojany qamaýda ustaý merzimi 18 qyrkúiekke deiin uzartyldy. Bul týraly qoǵam belsendisi Álnur Iliiashev óziniń Facebook-tegi paraqshasynda málimdedi, dep habarlaidy dalanews.kz.
Aita keteiik, Sanjar Boqaev 18 naýryz kúni ustalǵan bolatyn. Osylaisha ol tergeý izoliatorynda alty aiǵa jýyq ýaqyt otyr.
Buǵan deiin Bas prokýratýra Boqaevtyń áleýmettik jaǵdaiy tómen azamattarǵa aqsha usynyp, aǵashtardy zańsyz kesýge jáne urlyq jasaýǵa tapsyrma bergen degen kúdikke ilingenin habarlaǵan.
Sonymen qatar oǵan asa iri kólemdegi qarajatty alaiaqtyq jolmen iemdený, jalǵan aqparat taratý jáne qoǵamda teris kózqaras qalyptastyrý maqsatynda beinematerialdar jariialaý baptary boiynsha aiyp taǵylǵan.
Qazirgi ýaqytta atalǵan qylmystyq is boiynsha sotqa deiingi tergeý amaldary jalǵasyp jatyr.
