Azamattardyń basym bóligi aldaǵy Quryltai sailaýyna qatysýǵa daiyn ekenin bildirdi, dep habarlaidy dalanews.kz.
Demokratiia institýty 2026 jylǵy 20 shilde men 6 tamyz aralyǵynda júrgizilgen áleýmettanýlyq zertteý nátijelerin usynady.
Saýalnama nátijelerine sáikes, Quryltai depýtattarynyń sailaýynda qazaqstandyqtardyń qatysý deńgeii aitarlyqtai joǵary bolady dep kútilýde.
«Eger Quryltaiǵa (Parlamentke) sailaý kelesi jeksenbide ótse, Siz daýys berýge barar ma edińiz?» degen suraqqa saýalnamaǵa qatysqandardyń 73,1%-y sailaýda daýys berýge nietti ekenin bildirdi. Basqasha aitqanda, respondentterdiń tórtten úsheýi Quryltai depýtattarynyń sailaýyna qatysýǵa nietti.
Áleýmettanýlyq saýalnama 2026 jylǵy 20 shilde men 6 tamyz aralyǵynda Demokratiia institýtynyń qarjylandyrýy negizinde júrgizildi. Irikteme kólemi 8000 respondentti qurady. Saýalnamaǵa 17 oblys pen 3 respýblikalyq mańyzy bar qala – Astana, Almaty jáne Shymkent qalalarynyń 18 jastan asqan respondentteri qatysty.
Zertteý barysynda respondentterdiń elektoraldyq tańdaýlary da zerdelendi. Saýalnama qatysýshylaryna sailaýda qai saiasi partiiaǵa daýys berýge daiyn ekenderi suraldy.
▪️Zertteý nátijelerine sáikes, respondentter arasynda eń joǵary qoldaýǵa «Ádilet» partiiasy ie. Saýalnamaǵa qatysqandardyń 70,3%-y atalǵan partiiaǵa daýys berýge daiyn ekenin bildirdi. Osylaisha «Ádilet» partiiasy elektoraldyq tańdaýlar reitinginde birinshi orynǵa ie bolyp otyr.
▪️Ekinshi orynda – «Aýyl» partiiasy, oǵan respondentterdiń 5,6%-y daýys berýge daiyn.
▪️Úshinshi orynda «Aq jol» partiiasy, partiiany qoldaýshylar úlesi 5,0% qurady.
▪️Kelesi kezekte «Respublica» partiiasy ornalasqan, ony respondentterdiń 4,9%-y qoldaýǵa daiyn.
▪️Besinshi orynda 4,2% nátijemen oppozitsiialyq Jalpyulttyq sotsial-demokratiialyq partiia ornalasqan.
▪️Altynshy orynda – Halyq partiiasy respondentterdiń 3,9% qoldaǵan.
▪️Jetinshi orynda – «Baitaq» partiiasy, qoldaý deńgeii 0,6%-dy qurady.
Sondai-aq respondentterdiń 5,5%-y elektoraldyq enjarlyqtanytyp otyr. Onyń ishinde 1,6%-y barlyǵyna qarsy daýys beretinin aitsa, 3,9%-y qai partiiaǵa daýys beretini týraly áli sheshim qabyldamaǵan.
Zertteý nátijeleri kórsetkendei, qazaqstandyqtardyń elektoraldyq daiyndyǵy jalpy joǵary deńgeide. Bul azamattardyń eldiń qoǵamdyq-saiasi ómirine turaqty qyzyǵýshylyq tanytatynyn bildiredi jáne aldaǵy Quryltai sailaýyna belsendi qatysýǵa degen sanaly daiyndyǵyn aiqyn dáleldeidi.
Irikteý Qazaqstan Respýblikasy halqynyń negizgi áleýmettik-demografiialyq sipattamalaryna, atap aitqanda turǵylyqty jeriniń túrine (qala/aýyl), jynysy men jasyna qarai reprezentativti. Senimdilik yqtimaldyǵy 95% bolǵan jaǵdaida iriktemeniń statistikalyq qatelik shegi ±1,1%-dan quraidy.
Demokratiia institýty bul zertteý nátijelerin Qazaqstan Respýblikasy Ortalyq sailaý komissiiasynyń 2026 jylǵy 13 shildedegi № -11-07/ZT-Q-34 habarlamasy negizinde jariialap otyr.
