Jańa oqý jylyna sanaýly kúnder qaldy. Osyǵan bailanysty politsiia balalardyń qaýipsizdigin qamtamasyz etý jumystaryn kúsheitip jatyr, dep habarlaidy dalanews.kz.
Elimizde "Nazar aýdaryńyz, balalar!" aktsiiasy bastaldy. Aktsiianyń basty maqsaty - balalardy joldaǵy qaýipten qorǵaý jáne qaýipsiz orta qalyptastyrý.
Oqý jyly bastalar aldynda mektepter men bilim berý uiymdarynyń mańynda baqylaý kúsheitiledi. Politsiianyń mindeti - balalardyń joldaǵy qaýipsizdigin qamtamasyz etý.
Ishki ister ministrligi júrgizýshilerdi jyldamdyqty asyrmai, jol qozǵalysy erejelerin qatań saqtaýǵa jáne kólik tizgininde barynsha muqiiat bolýǵa shaqyrdy. Ásirese, balalar jolǵa kútpegen jerden shyǵyp qalýy múmkin ekenin eskergen jón.
"Qazir mektep mańyndaǵy jaiaý júrginshiler ótkelderi, jol belgileri men jol tańbalarynyń jai-kúii tekserilip jatyr. Sonymen qatar, mektep avtobýstary men balalardy tasymaldaý qaýipsizdigi de baqylaýǵa alynǵan. Tekseris qorytyndysy boiynsha bilim berý uiymdarynyń jol infraqurylymyna qatysty 548 nusqama berildi", - dedi IIM ókilderi.
