World Boxing uiymynyń prezidenti jáne Qazaqstan Ulttyq olimpiada komitetiniń basshysy Gennadii Golovkin ýkrainalyq "Mirotvorets" saitynyń derekter bazasyna engizildi, dep dalanews.kz tilshisi Sportinside.kz basylymyna silteme jasap habarlaidy.
Golovkin týraly málimet atalǵan resýrsta 15 tamyzda jariialanǵan.
Saittaǵy jazbada onyń bazaǵa engizilýine World Boxing uiymynyń reseilik sportshylarǵa qatysty shekteýlerdi alyp tastaý jónindegi sheshimi sebep bolǵany kórsetilgen. Osy sheshimnen keiin Resei boksshylary halyqaralyq jarystarda ulttyq týy men basqa da rámizderin paidalanyp óner kórsetý múmkindigine ie boldy.
"Mirotvorets" saity 2014 jyldan beri jumys isteidi. Onda resýrs avtorlary Ýkraina qaýipsizdigine qater tóndiredi dep esepteitin túrli tulǵalar týraly málimetter jariialanyp keledi. Bul bazaǵa ár jyldary saiasatkerler, jýrnalister, óner ókilderi jáne qoǵam qairatkerleri engizilgen.
Aita keteiik, Gennadii Golovkin 2025 jyldyń qarashasynda Rimde ótken World Boxing kongresinde uiym prezidenti bolyp bekitilgen.
