Búgin Qyzylorda qalasynyń ortalyq alańynda 12 tamyz – Halyqaralyq jastar kúnine arnalǵan jastar onkúndiginiń qorytyndy sharasy ótti, dep habarlaidy dalanews.kz.
Onkúndik «Jastarmen birge!» atty aýqymdy Open Air formatyndaǵy merekelik kontsertpen túiindeldi.
Ashyq aspan astynda ótken merekelik keshke 12 myńnan astam qala turǵyny men jastar jinaldy.
Merekelik sharaǵa oblys ákiminiń orynbasary, Qazaqstan Respýblikasy Prezidentiniń «Baiqońyr» keshenindegi arnaýly ókili Qairat Nurtai qatysyp, óńir jastaryn merekemen quttyqtady.
«Jastar – eldiń erteńin kútetin býyn ǵana emes, búgingi qoǵamnyń qozǵaýshy kúshi. Mereke qarsańynda sońǵy on kún ishinde óńirimizde jastardyń bilimin jetildirýge, shyǵarmashylyq qabiletin shyńdaýǵa, qoǵamdyq belsendiligin arttyrýǵa jáne salaýatty ómir saltyn nasihattaýǵa baǵyttalǵan túrli is-sharalar uiymdastyryldy.
Bul – jastar saiasatynyń bir kúndik naýqany emes, júieli ári turaqty baǵyt ekenin kórsetedi. Syr jastary qai kezde de eldik bastamalardyń bel ortasynan tabylyp keledi», – dedi Qairat Yrzaqululy.
Jastar merekesine arnalǵan onkúndik aiasynda óńir jastarynyń basyn qosqan qoǵamdyq, mádeni, sporttyq, shyǵarmashylyq jáne tanymdyq baǵyttaǵy túrli is-sharalar uiymdastyryldy.
Basty nazar jastardyń belsendiligin arttyrýǵa, azamattyq jaýapkershiligin nyǵaitýǵa jáne olardyń shyǵarmashylyq áleýetin damytýǵa baǵyttaldy.
Sonymen qatar, «Taza Qazaqstan», «Zań men tártip», «Adal azamat» qaǵidattaryn nasihattaýǵa arnalǵan mazmundy kezdesýler men túrli aktsiialar, intellektýaldyq oiyndar, pikirtalas alańdary jáne shyǵarmashylyq jobalar ótkizildi.
Atalǵan bastamalar jastardyń bos ýaqytyn tiimdi uiymdastyrýmen qatar, olardyń qoǵamdyq ómirge belsendi aralasýyna, jańa ideialary men bastamalaryn júzege asyrýyna múmkindik berdi.
Kesh barysynda jergilikti ónerpazdarmen qatar, qazaq estradasynyń tanymal juldyzdary MYNBAY, Qairat Túntekov jáne Dosbol Nurylla óner kórsetip, kópshilikke tanymal ánderin oryndady. Tanymal oryndaýshylardyń óneri merekelik keshtiń ajaryn ashyp, jastarǵa kóterińki kóńil kúi syilady.
Osylaisha, Halyqaralyq jastar kúnine arnalǵan onkúndik Qyzylordadaǵy aýqymdy «Jastarmen birge!» Open Air kontsertimen qorytyndylanyp, jas býynnyń jalyndy úni men shyǵarmashylyq qýatyn, belsendiligi men kóterińki kóńil kúiin toǵystyrǵan jarqyn merekege ainaldy.
