Prezident Qazaqstan Respýblikasy Quryltaiynyń sailaýyn taǵaiyndaý týraly jarlyqqa qol qoidy, dep habarlaidy dalanews.kz.
Qazaqstan Respýblikasy Konstitýtsiiasynyń 46-babynyń 3) tarmaqshasyna jáne 95-babynyń 1-tarmaǵyna sáikes QAÝLY ETEMIN:
1. Qazaqstan Respýblikasy Quryltaiynyń depýtattaryn sailaý 2026 jylǵy 23 tamyzǵa taǵaiyndalsyn.
2. Qazaqstan Respýblikasynyń Ortalyq sailaý komissiiasy Qazaqstan Respýblikasy Quryltaiynyń depýtattaryn sailaýǵa daiyndyqty jáne ony ótkizýdi uiymdastyrsyn.
3. Qazaqstan Respýblikasynyń Úkimeti, astananyń, oblystardyń, respýblikalyq mańyzy bar qalalardyń ákimderi Qazaqstan Respýblikasy Quryltaiynyń depýtattaryn sailaýdy uiymdastyrýshylyq, materialdyq-tehnikalyq jáne qarjylyq qamtamasyz etý jónindegi barlyq qajetti sharalardy kidirissiz qabyldasyn.
4. Osy Jarlyq jariialanǵan kúninen bastap qoldanysqa engiziledi.
