Búgin Óskemendegi № 21 saılaý ýchaskesine naǵyz mańyzdy qonaq keldi. 98 jastaǵy soǵys ardageri Qurmat Rahımov óziniń azamattyq ustanymyn bildirý úshin saılaý ýchaskesine ózi barýǵa sheshim qabyldady.
II dárejeli "Otan soǵysy" ordeniniń ıegeri, "Bagratıon" operasıasynyń qatysýshysy, Kenıgsbergtiń shabýylynyń batyry, Shekara qyzmetiniń ardageri, otstavkadaǵy İİM polkovnıgi jáne jasyna qaramastan áli de batyl sarbaz. Qurmat Rahımuly saılaýǵa qatysýǵa úlken mán beredi. Óıtkeni, onyń pikirinshe, azamattyq bostandyq pen saılaý quqyǵy – ol qanmen kelgen Uly Jeńistiń tikeleı jalǵasy.
– Biz bul kún úshin, óz elimizdi qurý úshin, ádil qoǵamda ómir súrý jáne quqyqtarǵa ıe bolý úshin kúreskenbiz. Eger siz qoǵamnyń taǵdyryna qatyspasańyz, siz turatyn elge qyzyǵýshylyq tanytpasańyz – onda nege soǵysý kerek edi? – dep ardager suraq qoıdy.
Óskemende daýys berýge barlyǵy 12 soǵys ardageri men 3661 tyl eńbekkeri qatysty. Olardyń keıbireýleri ýchaskelerge ózderi keldi. Basqalarǵa saılaý jáshikteri turǵylyqty mekenjaıy boıynsha jetkizildi.
