Qazatomónerkásip kásiporyndarynda óndristik jaraqat alý eki esege kemidi
Is-sharaǵa Qazatomónerkásiptiń enshiles jáne táýeldi uiymdarynyń (ETU), múddeli memlekettik jáne jergilikti atqarýshy bilik organdarynyń, sondai-aq BAQ ókilderi qatysyp otyr.
Atom salasyndaǵy óndiristik qaýipsizdik deńgeiine jasalǵan taldaý sońǵy jyldardaǵy oń ózgeristerdi kórsetip otyr. Kompaniia ózi qatysatyn óńirlerdegi ekologiialyq ahýaldy jaqsartý jumystaryn kúsheitip, óndiristegi qaýipsiz eńbek úshin qajetti jaǵdai jasaǵan.
«Kompaniianyń eńbekti jáne qorshaǵan ortany qorǵaý salasyndaǵy saiasaty iadrolyq, radiatsiialyq, ekologiialyq qaýipsizdiktiń tanylǵan halyqaralyq deńgeiine jetýge, jańa ekologiialyq qaýipsiz tehnologiialardy damytýǵa baǵyttalǵan. 2016 jyly Qazatomónerkásip kásiporyndarynda óndiristik qyzmetine bailanysty qazaǵa ushyraǵandar tirkelgen joq», - dep atap kórsetti óz sózinde «Qazatomónerkásip» UAK» AQ Óndiris jáne iadrolyq otyn tsikly jónindegi bas direktory Baýyrjan Ybyraev.
2016 jyly «Qazatomónerkásip» UAK» AQ eńbekti jáne qorshaǵan ortany qorǵaý is-sharalaryna 7,3 mlrd teńgeden astam qarjy bóldi, bul 2015 jylǵydan 900 mln teńgege kóp. Sońǵy bes jylda Qazatomónerkásip kásiporyndaryndaǵy ónidiristik jaraqat alý eki esege kemidi. Barlyq óndiris oryndarynda jumys istep turǵan dárigerlik pýnktterde kásiporyn qyzmetkerleri aýysym aldynda kúndelikti kórikten ótedi.
«Qazatomónerkásip» UAK» AQ eńbekti jáne qorshaǵan ortany qorǵaý departamentiniń basshysy Telman Shýriev aityp ótkendei, jer qoinaýyn paidalaný jónindegi kelisim sharttary aiasynda ýran óndirýshi kásiporyndar óńirlerdiń áleýmettik-ekonomikalyq órkendýine jáne infraqurylymyn damytýǵa jyl saiyn biýdjetke 1 mlrd teńgeden astam qarjy aýdarady.
Qorshaǵan ortaǵa yqpaldy azaitý jáne ekologiialyq qaýipsizdikti qamtamasyz etýde edáýir nátijelerge qol jetkizildi: 2016 jyly lastaýshy zattardyń jiyntyq qaldyǵy 2015 jylmen salystyrǵanda 11%-ǵa qysqardy.
Tabiǵi ýran óndiretin jáne ony óńdeitin nysandardy óndiristik ekologiialyq baqylaý ziiandy lastaýshy zattardyń qaldyǵyn 208,7 tonnaǵa kemitýge múmkindik berdi. Memlekettik organdar tarapynan salynatyn aiyppuldyq jáne ekonomikalyq sanktsiialar 2015 jylmen salystyrǵanda 18,6%-ǵa tómendedi.
Qazatomónerkásiptiń 26 uiymynda halyqaralyq OHSAS 18001:2007 jáne ISO 14001:2004 ekologiialyq menedjment standarttaryna sáikes keletin densaýlyq jáne óndiristegi qaýipsizdik júiesi engizildi. Kásiporyndarda radiatsiialyq apattar, gigienalyq normativterde belgilengen jyldyq sáýlelený dozasynyń shekten shyǵý faktileri tirkelgen emes.
Seminar barysynda «Qazatomónerkásip» UAK» AQ-nyń ETU arasynda uiymdastyrylatyn jyl saiynǵy konkýrsta óndiristik qaýipsizdikti qamtamasyz etýde úzdik nátije kórsetken jeńimpazdar marapattaldy.
"QmD" aqparat
