Qazaqstannyń quqyq qorǵaý organy ShQO politsiia departamenti bastyǵynyń orynbasary Medet Berdimuratov pen Soltústik Qazaqstan oblysy politsiia podpolkovnigi Ivan Gýgniaktyń qaitys bolǵanyn málimdedi, dep habarlaidy Dalanews.kz.
“Ishki ister ministrligi politsiia polkovnigi Medet Berdimuratovtyń mezgilsiz qaitys bolýyna bailanysty otbasy men jaqyndaryna qaiǵyryp kóńil aitamyz. Áriptesimiz ishki ister organdaryndaǵy qyzmetinde úlken eńbek jolynan ótip, qylmysqa qarsy kúres pen azamattardyń quqyqtaryn qorǵaýǵa zor úles qosty", - dep jazylǵan ministrlik taratqan aqparatta.
Medet Berdimuratov quqyq qorǵaý organdarynda 1999 jyldan beri qyzmet etti. Qyzylorda oblysy Jańaqorǵan aýdanynyń týmasy. Qainar ýniversitetin, keiin magistratýrany bitirgen.
Eńbek jolyn 2002 jyly Almaty oblysy IIB Talǵar aýdandyq ishki ister basqarmasynyń tergeý bóliminde tergeýshi bolyp bastaǵan. Qyzmet etken jyldary ártúrli basshylyq qyzmetterde, onyń ishinde Qazaqstan Respýblikasy Ishki ister ministrligi Tergeý departamentiniń Tergeý jáne aimaqtyq baqylaý basqarmasynyń bastyǵy boldy. 2019 jyly Aqmola oblystyq politsiia departamenti bastyǵynyń orynbasary bolyp taǵaiyndaldy. 2022 jyldyń tamyz aiynan bastap Shyǵys Qazaqstan oblysynyń politsiia departamenti bastyǵynyń orynbasary qyzmetin atqarǵan.
Sondai-aq Soltústik Qazaqstan oblysy politsiia departamentiniń anyqtaýshysy, politsiia podpolkovnigi Ivan Gýgniak ta qaitys boldy. Áleýmettik jelilerde politseidiń attestatsiiaǵa daiyndalyp jatqany aityldy. Alaida politsiianyń baspasóz qyzmeti attestattaý týraly aqparat shyndyqqa janaspaitynyn aitty.
“Soltústik Qazaqstan oblysy IID basshylyǵy, jeke quramy jáne ardagerler keńesi politsiia podpolkovnigi Ivan Gýgniaktyń mezgilsiz qaitys bolýyna bailanysty onyń otbasy men jaqyndaryna qaiǵyryp kóńil aitady. Onyń qazasy kezekten tys attestattaý kezimen tuspa tus keldi degen aqparat jalǵan. Óitkeni onyń laýazymy attestatsiialanatyndardyń tizimine enbegen”, delingen OQO DP baspasóz qyzmeti joldaǵan habarlamada.
Ishki ister organdary qyzmetkerlerin kezekten tys attestatsiiadan ótkizý 2024 jyldyń aqpan aiynda belgili boldy. Tolyq aqparatty siltemeden tabýǵa bolady.
