Qazaqstan men BAÁ júrgizýshi kýálikterin ózara taný jóninde kelisimge keldi, dep habarlaidy dalanews.kz.
25 maýsymda arab tarapynyń shaqyrýymen Qazaqstannyń ishki ister ministri Birikken Arab Ámirlikterine (Abý-Dabi qalasy) jumys saparymen bardy. Sapar aiasynda ishki ister ministri Erjan Sadenov Birikken Arab Ámirlikteri premer-ministriniń orynbasary ári ishki ister ministri Sheih Saif ben Zaid Ál Nahaianmen kelissózder ótkizdi.
Kelissózderdiń basty nátijesi retinde Qazaqstan Respýblikasy Ishki ister ministrligi men Birikken Arab Ámirlikteri Ishki ister ministrligi arasynda júrgizýshi kýálikterin ózara taný týraly memorandýmǵa qol qoiyldy. Qujatqa qol qoiý eki el azamattary úshin ákimshilik rásimderdi jeńildetýge jáne qosymsha qolaily jaǵdailar jasaýǵa baǵyttalǵan.
Jyl saiyn Birikken Arab Ámirlikterine shamamen 400 myń Qazaqstan azamaty barady. Sonymen qatar, BAÁ aýmaǵynda 14 myńǵa jýyq qazaqstandyq azamat turady. Qol qoiylǵan memorandým olarǵa júrgizýshi kýálikterin paidalaný kezinde jeńildikter ákelmek.
Memorandým taraptar ishki memlekettik rásimderdi aiaqtaǵannan keiin kúshine enedi.
