Qazaqstandyq bankter shaǵyn jáne orta biznesti qarjylandyrýdy ulǵaityp jatyr. Alaida kásipkerlerge berilgen nesielerdiń sapasy nasharlai bastaǵan, dep habarlaidy dalanews.kz.
Qarjy naryǵyn retteý jáne damytý agenttiginiń málimetinshe, tólem merzimi 90 kúnnen asyp ketken problemalyq nesielerdiń kólemi 473,5 mlrd teńgege jetken. Bul jyl basyndaǵy kórsetkishten 40%-ǵa kóp.
Sonyń nátijesinde problemalyq qaryzdardyń ShOB nesie portfelindegi úlesi 3,9%-ǵa deiin ósti. Basqasha aitqanda, kásipkerlerge berilgen árbir 25 teńgeniń shamamen bir teńgesi ýaqytynda qaitarylmai otyr.
Osylaisha, naryqta eki úrdis qatar baiqalady: kásipkerler bankterden burynǵydan kóbirek qaryz alyp jatyr, biraq olardyń nesieni ýaqytynda óteýi qiyndai túsken.
