Qazaqstanda qarý-jaraq satý jáne saqtaý, bopsalaý, urlanǵan avtokólikterdi zańdastyrý jáne ózge de qylmystarǵa qatysy bar birqatar qylmystyq toptardyń qyzmetin toqtatýǵa baǵyttalǵan arnaiy operatsiia barysynda 20 adam ustaldy, dep habarlaidy Dalanews.kz.
«2026 jylǵy 4 aqpanda UQK Ishki ister ministrligimen birlesip, Bas prokýratýranyń úilestirýimen qarý-jaraq satý jáne saqtaý, bopsalaý, urlanǵan avtokólikterdi zańdastyrý jáne ózge de qylmystarǵa qatysy bar birqatar qylmystyq toptardyń qyzmetin toqtatýǵa baǵyttalǵan arnaiy operatsiia ótkizdi. 20 adam ustaldy, olardyń 10-y ýaqytsha ustaý izoliatoryna qamaldy», – delingen habarlamada.
Operatsiialar bir mezgilde Almaty, Shymkent qalalarynda, sondai-aq Aqtóbe oblysy, Almaty oblysy, Shyǵys Qazaqstan oblysy, Jambyl oblysy, Abai oblysy jáne Jetisý oblysy aýmaqtarynda ótti.
UQK málimetinshe, tintý barysynda kúdiktilerden atys qarýy, oq-dáriler, esirtki zattary, iri kólemdegi aqsha qarajaty jáne ózge de zattai dálelder tárkilengen. Qazirgi ýaqytta sotqa deiingi tergep-tekserý amaldary júrgizilip jatyr.
