Qazaqstan ishki naryqty aviatsiialyq otynmen tolyq qamtamasyz ete almai otyr. Osyǵan bailanysty elimiz jyl saiyn Reseiden shamamen 300 myń tonna áýe otynyn satyp alady. Bul týraly Energetika ministri Erlan Aqkenjenov málimdedi, dep habarlaidy dalanews.kz.
Ministrdiń aitýynsha, Qazaqstandaǵy úsh iri munai óńdeý zaýyty eldiń munai ónimderine degen suranysynyń 90 paiyzdan astamyn óteidi. Alaida aviatsiialyq otyn óndirisi ishki naryqtyń qajettiligin tolyq jabýǵa áli de jetkiliksiz.
"Qazaqstan jyl saiyn Reseiden 300 myń tonnaǵa jýyq aviatsiialyq otyn importtaidy. Qazirgi kezde otandyq óndiris ishki suranysty tolyq qamtamasyz ete almai otyr", - dedi Erlan Aqkenjenov.
Elimizde Atyraý, Shymkent jáne Pavlodar munai óńdeý zaýyttary jumys isteidi. 2025 jyly atalǵan kásiporyndar 18,4 mln tonna munai óńdep, shamamen 15,5 mln tonna daiyn munai ónimin óndirgen.
Budan bólek, Qazaqstanda 25-ke jýyq shaǵyn munai óńdeý zaýyty bar. Alaida ministr olardyń basym bóligi Keden odaǵynyń tehnikalyq reglamentinde belgilengen talaptarǵa sai keletin janarmai óndirmeitinin aitty.
