Sońǵy ýaqytta otandyq telekórermenderdiń talǵamy ózgerip, tanymdyq mańyzy bar saraptamalyq jobalarǵa degen suranysy artty, dep habarlaidy dalanews.kz.
Elimizdegi saiasi jáne qoǵamdyq ózgerister tusynda «Qazaqstan» ulttyq telearnasynyń birqatar baǵdarlamasy aýditoriia jinaý jaǵynan joǵary kórsetkishterge qol jetkizdi.
Ásirese, kórermenniń yqylasyna bólenip, ósim kórsetken úsh negizgi jobany bóle-jara aitýǵa bolady:
«Álem jáne biz» – álemdik saiasattyń Qazaqstanǵa áserin taldaityn joba. Sáýirdiń ortasynan beri aýditoriiasy 1,5 ese ósti. Halyqaralyq jaǵdaidyń ýshyǵýy, sonyń ishinde AQSh pen Iran arasyndaǵy teketires, Ormýz buǵazyndaǵy ahýal, munai baǵasy men osyndai shyrǵalań zamandaǵy diplomatiialyq saiasat efirde egjei-tegjeili taldanady.
«Izgilik formýlasy» azamattyq jaýapkershilik pen igi isterdi nasihattaidy. Jaqsylyq jasaý degen tek bireýge úi salyp berý nemese qarjylai kómektesýmen shektelmeidi. Izgiliktiń formýlasy óte kóp. Baǵdarlama qoǵamǵa paidasyn tigizip júrgen qarapaiym azamattardy úlgi etedi ári Prezident usynǵan «Adal azamat» jáne «Taza Qazaqstan» qaǵidattarymen úndesedi. Maýsymnyń sońynan beri aýditoriiasy eki eseden astam artty.
«Qazaq Creative» – kreativti indýstriia men ulttyq áleýetti tanytatyn joba. Mamyr sońynda efirge shyqqan baǵdarlamanyń aýditoriiasy shildeden beri 2,5 eseden astam ósti. Mádeni kásipkerlik pen otandyq ónerdiń ekonomikalyq áleýetin ashyp kórsetetin habar kórermenniń, ásirese jastardyń úlken qyzyǵýshylyǵyn týdyrdy.
Túiindei aitqanda, telearna jobalarynyń aýditoriialyq ósimi elimizdegi aýqymdy saiasi jáne qoǵamdyq ózgerister kezeńinde oryn aldy. Bul halyqtyń tek kúndelikti jańalyqtardy tamashalap qana qoimai, eldiń bolashaǵy men damýyn, azamattyq jaýapkershilik pen ulttyq qundylyqtardy kórsetetin tereń mazmundy baǵdarlamalarǵa basymdyq bere bastaǵanyn aiqyn dáleldeidi.
