Memleket basshysynyń týristik sala máseleleri jónindegi tapsyrmasyna sáikes Premer-ministrdiń orynbasary Ermek Kósherbaevtyń basshylyǵymen vedomstvoaralyq jumys toby quryldy. Onyń quramyna týrizm jáne sport, kólik, ishki ister, ekologiia jáne tabiǵi resýrstar, sý resýrstary jáne irrigatsiia, densaýlyq saqtaý ministrlikteriniń jáne basqa da ýákiletti memlekettik organdardyń basshylary kirdi, dep habarlaidy Dalanews.kz.
10-12 shildede Almaty, Qaraǵandy, Jetisý jáne Abai oblystaryna inspektsiialyq sapar barysynda birqatar júieli zań buzýshylyqtar anyqtaldy.
Jumys tobynyń músheleri týristermen kezdesýler ótkizip, Qapshaǵai sý qoimasyndaǵy, Alakól jáne Balqash kólderindegi infraqurylymmen tanysty. Azamattardyń týristik infraqurylymnyń jai-kúiine, servistiń jetkiliksiz deńgeiine jáne qajetti qaýipsizdik sharalarynyń bolmaýyna qatysty habarlamalary rastaldy.
Ásirese, jergilikti atqarýshy organdar basqaratyn kommýnaldyq jaǵajailardyń jaǵdaiy erekshe alańdaýshylyq týǵyzdy. Onda abattandyrý normalaryn buzý, chek bermei jumys isteitin biznes sýbektilerinde kassalyq tártiptiń bolmaýy, sondai-aq sanitariialyq talaptar men qaýipsizdik normalaryn elemeý faktileri tirkeldi.
Inspektsiia qorytyndysy boiynsha jáne Prezidenttiń tapsyrmasyn oryndaý úshin jaýapty laýazymdy tulǵalarǵa qatysty tártiptik jaza qoldanyldy:
- týrizmdi damytýǵa jaýapty týrizm jáne sport vitse-ministrine, sondai-aq Almaty, Qaraǵandy, Abai jáne Jetisý oblystary ákimderiniń orynbasarlaryna qatań sógis jariialandy;
- Qonaev, Balqash qalalarynyń, Alakól, Maqanshy aýdandarynyń ákimderine, sondai-aq aýyldyq okrýgterdiń ákimderine sógis jariialandy;
- kásipkerlikke, týrizmge, qorshaǵan ortany qorǵaýǵa, sáýlet pen saýdaǵa jaýapty oblystyq basqarmalardyń basshylaryna jazalaý sharalary qoldanyldy;
- ekologiia jáne tabiǵi resýrstar, densaýlyq saqtaý, qarjy, sý resýrstary jáne irrigatsiia, saýda jáne integratsiia, kólik ministrlikteriniń aýmaqtyq bólimsheleriniń basshylary jaýapkershilikke tartyldy.
Jergilikti jerlerde ortalyq memlekettik organdar ókilderiniń qatysýymen kóshpeli tekserýler júrgizilýde. Tekserý qorytyndysy boiynsha týristik infraqurylymdy damytýdyń Jol kartasy ázirlenetin bolady, onda saladaǵy júielik problemalardy joiý jónindegi birinshi kezektegi sharalar aiqyndalady.
Budan basqa, jumys tobynyń bazasynda týristik qyzmetterdiń sapasyn arttyrý, kýrorttyq aimaqtardy abattandyrý jáne jergilikti jerlerde quqyqtyq tártipti qamtamasyz etý jónindegi jumysty turaqty negizde úilestiretin Jobalyq keńse jasaqtaldy.
