Shuǵyl áreket etý shtaby otyrysynan keiin Memleket basshysy orman órtinen zardap shekken Amanqaraǵai aýylynyń aýmaǵyn aralady.
Halyq Toqaevqa óz máselelerin de jetkizgen. Rýslan Sharafýtdinov esimdi turǵyn, Toqaevqa jolyqpaqshy bolǵan. Onyń sol sáttegi videosyn Ularbek Dáleiuly Feisbýk paraqshasynda jariialady.
– Prezident Áýliekólge keldi. Turǵyndarmen kezdesip, kóńilderin ornyna túsirdi. Syrtqa shyǵa bergende kóp ishinen bir jigit aiqai saldy. Sol sátte Memleket basshysy qaýmalaǵan kúzetshilerdi ysyryp tastap, oǵan qarai ózi baryp, qal-jaǵdaiyn surady. Ákim-qaralardyń túsi Amanqaraǵaidyń órtin sóndirip kelgendei buzyldy, – dep jazdy Ularbek Dáleiuly.
Al Prezidenttiń janynda 20 metrdei jerde eshkimdi jaqyndatpai kúzet turǵan. Sáýle Alipova esimdi jeli qoldanýshysynyń málimetinshe, Rýslan top ishinen "Prezident myrza, kómektseńizshi" dep aiǵailaǵan. Toqaev daýysyn estip, qasyna ózi kelip, jaǵdaiyn suraǵan.
«Jaǵdaiymdy anyqtap surap bolǵan soń, kómektesýge ýáde berip, qasyndaǵy kómekshisine, qujattaryn qarap kómektesińder dep tapsyrma berdi. Búgin saǵat 17-00 ge, sol jerde Prezidenttiń kómekshisine qujattarymdy aparyp kórsetetin boldym» dep jas jigit máz boldy. Osylaisha úiin ákimdiktiń salǵyrttyǵynan joǵaltqan Rýslan úidi qaitaratyn úmit paida boldy.
