Aqordada Memleket basshysy Qasym-Jomart Toqaevtyń tóraǵalyǵymen ulttyq ekonomikany damytý jáne biýdjetti josparlaý máseleleri jóninde keńes ótti, dep habarlaidy dalanews.kz.
Is-sharaǵa Premer-ministr Oljas Bektenov, Prezident Ákimshiliginiń basshysy Roman Skliar, Ulttyq bank tóraǵasy Timýr Súleimenov, Joǵary aýditorlyq palata tóraǵasy Álihan Smaiylov, Premer-ministrdiń orynbasary – Ulttyq ekonomika ministri Serik Jumanǵarin, Prezidenttiń ekonomikalyq máseleler jónindegi kómekshisi Nurlan Baibazarov jáne Qarjy ministri Mádi Tákiev qatysty.
Prezidentke ekonomikanyń qazirgi ahýaly týraly baiandalyp, 2027-2029 jyldarǵa arnalǵan áleýmettik-ekonomikalyq damý boljamdary, 2027-2029 jylǵy respýblikalyq biýdjet parametrleri jóninde málimet berildi.
Talqylaý barysynda Qasym-Jomart Toqaev biyl ekonomikalyq ósim kórsetkishterine qol jetkizý, sondai-aq, respýblikalyq jáne jergilikti biýdjet teńgerimdiligin qamtamasyz etý qajettigin atap ótti.
Memleket basshysy 2027-2029 jyldarǵa arnalǵan biýdjettiń negizgi basymdyqtarynyń biri – aýrýhana, balalardy ońaltý ortalyǵy, mádeniet, sport ǵimarattary sekildi infraqurylymdyq jáne áleýmettik nysandar qurylysyn jedeldetip salý kerek ekenin aitty.
