IIM azamattardy pirotehnikalyq buiymdardy qoldaný kezinde qaýipsizdik talaptaryn qatań saqtaýǵa jáne ainaladaǵy turǵyndardyń tynyshtyǵyn buzbaýǵa shaqyrady. Jyl basynan beri pirotehnikany qoldaný jáne onyń ainalymyna qatysty talaptardy buzǵany úshin 251 adam ákimshilik jaýapkershilikke tartylǵan, dep habarlaidy dalanews.kz.
Sońǵy ýaqytta kópqabatty úilerdiń turǵyndary týǵan kún jáne ózge de merekelerdi tikelei aýlada otshashý uiymdastyrý arqyly atap ótetin jaǵdailar jiilep otyr. Onyń ishinde túngi ýaqytta da pirotehnikalyq buiymdar qoldanylatyn jaǵdailar bar. Alaida birneshe minýtqa sozylatyn merekelik otshashý kórshilerdiń narazylyǵyn týdyryp qana qoimai, jaraqat alýǵa, órt shyǵýyna jáne ákimshilik jaýapkershilikke ákelýi múmkin. Eske salamyz: eldi mekenderde pirotehnikalyq buiymdardy qoldanýǵa belgilengen talaptardy saqtaǵan jaǵdaida ǵana ruqsat etiledi. Zańnamada merekelik kúnderge, sonyń ishinde Jańa jyl túnine qatysty eshqandai erekshelik qarastyrylmaǵan. Jyl basynan beri pirotehnikany qoldaný jáne onyń ainalymyna qatysty talaptardy buzǵany úshin 251 adam ákimshilik jaýapkershilikke tartyldy. Onyń ishinde 237 adam pirotehnikalyq buiymdardy eldi mekenderde qoldanǵany úshin, taǵy 14 adam olardy saqtaý, paidalaný, tasymaldaý jáne satý tártibin buzǵany úshin jaýapqa tartylǵan.
Mundai quqyq buzýshylyqtardyń eń kóp sany iri qalalarda tirkeledi. Astanada 74 adam, Almatyda 58 adam ákimshilik jaýapkershilikke tartyldy. Qaýipsizdik máselesine erekshe nazar aýdarý qajet. Sertifikattalmaǵan pirotehnikany paidalaný jáne qarapaiym qaýipsizdik talaptaryn saqtamaý aýyr jaraqattarǵa jáne órtke ákelýi múmkin. Mundai jaǵdailardyń aldyn alý maqsatynda politsiia qyzmetkerleri órtke qarsy qyzmet mamandarymen birlesip profilaktikalyq is-sharalar júrgizýde. Pirotehnikalyq buiymdardy jetkizýshiler, qoimalar, bazarlar men saýda oryndary tekserilip, zańsyz saýda jasaýǵa jáne sertifikattalmaǵan pirotehnikany ótkizýge jol bermeý sharalary qabyldanýda.
Taǵy bir mańyzdy másele – tynyshtyqty saqtaý. Jyl basynan beri elimiz boiynsha 79 myńnan astam tynyshtyqty buzý faktisi anyqtaldy. Onyń ishinde 78 myńnan astam adam ákimshilik jaýapkershilikke tartyldy. Azamattardy merekelik is-sharalardy uiymdastyrý kezinde jaýapkershilik tanytýǵa shaqyramyz. Qaýipsizdik talaptaryn saqtap, tek sertifikattalǵan pirotehnikalyq buiymdardy satyp alyńyzdar jáne ainaladaǵy adamdardyń tynyshtyǵyn eskerińizder.
