Dýbaida sottalǵan Perizat Qairattyń týystaryna tiesili jalpy quny shamamen 5,9 mln dollar nemese 2,67 mlrd teńge bolatyn jeti jyljymaityn múlik anyqtaldy, dep habarlaidy dalanews.kz.
"Vyhod k moriý" arnasy málimetinshe, páterler Perizat Qairattyń anasy Ǵaini Alashbaevanyń týǵan aǵasy Sábit Alashbaevtyń jubaiy Gúlbaný Alashbaevaǵa rásimdelgen. Jyljymaityn múlikter Dýbaidaǵy birneshe elitalyq turǵyn úi kesheninde, sonyń ishinde Býrdj-Halifa mańynda ornalasqan.
Tizimdegi eń qymbat nysan - Vida Dubai Mall Tower II keshenindegi eki bólmeli páter. Onyń quny shamamen 1,12 mln dollar dep kórsetilgen. Azure Residence keshenindegi taǵy eki páterdiń jalpy baǵasy 1,65 mln dollarǵa baǵalanǵan. Budan bólek, tizimde Forte Tower II, Bellevue Towers jáne Harbour Views keshenderindegi nysandar bar.
Arna dereginshe, bul jyljymaityn múlikter 2020-2022 jyldary satyp alynǵan. Sábit pen Gúlbaný Alashbaevtar iri kásipker emes, rieltor bolyp jumys isteitini de aitylǵan. Páterlerdiń bireýi buǵan deiin qysqa merzimge jalǵa berilgen. Arna dereginshe, ol 2020 jyly 380 myń dollarǵa satyp alynǵan, keiin satylyp ketken.
Perizat Qairat 2025 jyly 10 jylǵa, al anasy Ǵaini Alashbaeva jeti jylǵa bas bostandyǵynan aiyrylǵan edi. Olar 3,5 mlrd teńge jymqyryp, aqshany zańdastyrdy dep aiyptaldy. Olarǵa tiesili shamamen 900 mln teńgeniń múlki tárkilengen bolatyn.
