Alǵash ret jumyspen qamtý baǵdarlamasynyń qatysýshylarymen ótip jatqan jármeńkeniń uiymdastyrýshylary oblys ákimdigi men «Damý» qory, «Ońtústik» AIO jáne «Yrys» mikroqarjy uiymy bolyp tabylady.
Aita keteiik, «Eńbek» jappai kásipkerlik baǵdarlamasynyń arqasynda «Damý» qory arqyly Ońtústik Qazaqstan oblysy boiynsha 150 bastaýysh jáne aǵymdaǵy kásipkerler óz isin ashyp, keńeitý múmkindigine ie boldy. Jalpy qarjylandyrý kólemi 1,4 mlrd. teńgeni qurady.
Al, «Yrys» mikroqarjy uiymy 2017 jyly atalǵan baǵdarlama aiasynda «Damý» kásipkerlikti qoldaý qory men «Agrarlyq nesie korporatsiiasy» AQ arqyly jalpy 900 mln. teńge qarajat tartyp, nátijesinde 180 jańa jumys orny qurylǵan 191 jobany qarjylandyrdy.
Aita ketý kerek, Agrarlyq nesie korporatsiiasynan tartylǵan qarajat aýyl turǵyndaryna taratylsa, «Damý» qorynan bólingen qarajat arqyly Kentaý, Túrkistan jáne Shymkent qalalarynyń turǵyndary nesielendirildi.
OQO ákiminiń baspasóz qyzmeti
