Qostanaıǵa jumys sapary barysynda Ónerkásip jáne qurylys mınıstri Ersaıyn Naǵaspaev óńirdegi birqatar óndiristik nysandardy aralady, dep habarlaıdy Dalanews.kz.
Mınıstr Indýstrıaldy aımaqtaǵy Kia avtomobıl shyǵaratyn zaýyttyń qurylysymen tanysty.Kia Qazaqstan kásiporny 1500 jumys ornyn quryp, CKD ádisi boıynsha 3 modeldi (Sorento, Sportage, Cerato) jáne SKD qurastyrýyn qoldanatyn 10 modeldi shyǵarýdy jolǵa qoıady. Onvń jobalyq qýaty jylyna 70 myń avtokólikke deıin jetedi. Zaýyt 2025 jyldyń qazan aıynda iske qosylady dep josparlanýda.
Sondaı-aq E.Naǵaspaev «KamLitKZ» JSHS shoıyn quıý zaýytynda jáne salynyp jatqan jetek osteriniń bas berilisterin shyǵaratyn zaýytta boldy. Quıý óndirisiniń qýattylyǵy jylyna 45 myń tonnaǵa deıin jetedi, redýktorlar (jylyna 74 myń dana) óndirisin iske qosý 2025 jyldyń ekinshi jartysynda kútilýde. «KamLitKZ» Qazaqstandaǵy osyndaı profıldegi jalǵyz kásiporyn bolyp qala beredi.
Avtokólik quramdas bólikteriniń bazasyn damytý aıasynda Mınıstr «TEHNOPARK» shaǵyn ındýstrıalyq aımaǵynyń qyzmetimen tanysty, munda qýattylyǵy jylyna 60 myń quramdas bólikke deıingi oqshaýlaý ortalyǵyn salý josparlanýda. Sondaı-aq «ProProduction 10» avtokomponentteri zaýyty men «Tobyl» TMK «Qurǵaq port» logıstıkalyq keshenin salý jobalary tanystyryldy.
Mınıstr «Allur» zaýytynyń qyzmetimen, sondaı-aq jumysshylar men stýdentterge arnalǵan jataqhana qurylysynyń barysymen tanysty. Bıylǵy jyldyń alǵashqy 4 aıynda zaýytta JAC, Chevrolet,Kia, Jetour jáne Skoda markaly 25 myńǵa jýyq avtokólik shyǵaryldy. Qazirgi ýaqytta modelderdi oqshaýlaý boıynsha jańa jobalar júzege asyrylýda.
Odan bólek, Mınıstr LOVOL, DEUTZ-FAHR, ESSIL, JOHN DEERE markaly traktorlar men kombaındardy, AMAZONE tuqym sebý keshenderin jáne t.b. shyǵaratyn «AGROMASH» aýyl sharýashylyǵy mashınalaryn jasaý zaýytynda, sondaı-aq suranysy joǵary mamandyqtar boıynsha 1,5 myńǵa jýyq stýdent oqıtyn Qostanaı avtomobıl kóligi kolejinde boldy.
Mınıstr óńdeýshi ónerkásiptegi ósý qarqynyn saqtaýdyń jáne ınvestısıalyq jobalardy ýaqytyly júzege asyrýdyń mańyzdylyǵyn atap ótti.
