Eks-prezident Nursultan Nazarbaevtyń taǵy bir týysynan Dýbaidan elitalyq páter tabyldy, dep habarlaidy Dalanews.kz.
520 mln teńgelik páter
"Vyhod k moriý" telegram arnasynyń málimetinshe, Qazaqstannyń burynǵy prezidenti Nursultan Nazarbaevtyń týysy Aqmaral Espolovanyń Dýbaida elitalyq Paramount Tower turǵyn úi kesheninen páter satyp alǵany belgili boldy. Aýmaǵy 150 sharshy metr úsh bólmeli páter men 15 sharshy metrlik terrasasy bar jyljymaityn múlik qazir jergilikti naryqta shamamen 3,5 mln dirhamǵa nemese 520 mln teńgege baǵalanyp otyr.
Kópqabatty záýlim ǵimarat Paramount Tower Hotel & Residences 2021 jyly Dýbaidyń Biznes-Bei aýdanynda Qytaidyń memlekettik qurylys korporatsiiasy salǵan. Ǵimarattyń 66 qabatynan 15–25-qabattar qonaqúige, al 26–63-qabattar elitalyq turǵyn úilerge arnalǵan. Eń joǵarǵy qabatynda bassein ornalasqan.
Aqmaral Espolova - Ásel Qurmanbaevanyń ápkesi, al Ásel Nursultan Nazarbaevtyń jary retinde kópshilikke belgili. Aqmaral men Ásel - akademik Tlektes Espolovtyń qyzdary.
Aita keterligi, akademik Tlektes Espolovtyń uly Aidos Espolov bir kezderi Nursultan Nazarbaevtyń inisi Bolat Nazarbaevtyń qyzy Gúlmiraǵa úilengen. Olardyń Nursaiyn esimdi uly bar.
Nursaiyn Espolov kópke deiin kópshilikke beitanys tulǵa bolǵan. Alaida Qańtar oqiǵasy kezinde ol atasymen birge Qyrǵyzstan shekarasynan ótpek bolǵanda kózge túsip, jýrnalister nazaryn aýdardy. «Orda» basylymy tipti onyń tóńireginde Nazarbaevtar áýletine «qosylý teoriiasyn» usynǵan. Alaida Nursaiyn - Bolat Nazarbaev pen Tlektes Espolovtyń týǵan nemeresi. Osylaisha, akademik Espolov Nazarbaevtar áýletimen eki baǵytta qudalasyp, óz otbasyn elitalyq klanǵa kiriktirgen.
Elitalyq aktivteri bar, biraq jumys istemei turǵan biznes
Aqmaral Espolova týraly ashyq derekter az. Ol bir kezderi «Ortalyq Aziia otyn-energetikalyq kompaniiasy» AQ-nyń 30%-ǵa jýyq úlesine ie bolǵan. Bul kompaniiada belgili biznesmender Aleksandr Klebanov pen Sergei Kanmen birge úles ielengen. Keiin energetikalyq aktivter qurylymy ózgerip, úlester qaita bólingen.
Sondai-aq, Espolova Astanada tirkelgen YN LLC qurylys kompaniiasynyń iesi. Alaida salyq túsimderine qaraǵanda, kompaniia aitarlyqtai belsendi jumys istemeidi.
Aqmaral Espolova Birikken Arab Ámirlikterinen jyljymaityn múlik ielengen jalǵyz Nazarbaev emes. «Azattyq» radiosy buǵan deiin Nazarbaev áýletine tiesili ondaǵan milliard teńge turatyn villalar men páterler jaily jazǵan bolatyn. Dýbaidan bólek, otbasy músheleri eldiń ózge ámirlikterine de investitsiia salyp jatyr.
Mysaly, ótken jyly Timýr Qulybaevtyń ispan kompaniiasy Abý-Dabidegi jabyq Nudra Villas kesheninde liýks villa qurylysyn bastaǵan. Jobanyń quny shamamen 24 mln dollardy nemese 10 mlrd teńge.
AQSh-ta ornalasqan halyqaralyq qylmys pen qaqtyǵystardy zertteitin kommertsiialyq emes uiym - Qorǵanys zertteýleriniń perspektivalyq ortalyǵynyń esebinshe, Dýbaida Qazaqstan azamattaryna tiesili jyljymaityn múliktiń jalpy quny 1 milliard dollardan asady. Bul qazirgi baǵammen 550 mlrd teńgege teń.
