Marqumdardyń jasy 20-dan endi ǵana asqan. Biri – sonda ot jaǵýshy bolyp jumys isteıtin Jasqaırat Amangeldın, al qalǵan ekeýi aýyl turǵyny Erbolat Ábdikárim men Qaıyrjan Isa.
Jigitter 28 qańtar kúni tús aýa Alla úıine kelgen. Boran saldarynan jaryq sónip qalyp, jylytý peshin dızeldi generator arqyly iske qosqan. Artynsha olardyń sulyq jatqan denelerin meshit jamaǵatynyń biri kórip, habarlaǵan. Aýrýhanaǵa jetkizilgenimen, jigitter esin jımaǵan.
– Meshitte sulyq jatqan úsheýin óz kóligimen aýrýhanaǵa jetkizgen jergilikti azamattyń aıtýynsha, jigitter ýlanyp qalǵan. Aýrýhanaǵa ákelgende olardan bıologıalyq ólim belgileri baıqalǵan. Sondyqtan eshqandaı medısınalyq kómek kórsetilmedi, – dedi ahýaldyq ortalyq meńgerýshisi Erik Shonbaev.
Turǵyndardyń óliminiń naqty sebebin sot-medısınalyq saraptama nátıjesi anyqtaıdy.
