Qazaqstan halqyna Joldaýyn jariialap jatqan Memleket basshysy Qasym-Jomart Toqaev elimizdiń ónerkásip áleýetin tolyq paidalaný úshin jan-jaqty sharalar qabyldaý qajet ekenin jetkizdi, dep habarlaidy Dalanews.kz.
“Úkimet 17 iri jobanyń tizimin jasady. Onda tereń óńdeý tásilin meńgerýge basymdyq berilgen. Óz shikizatymyz ben qural-jabdyqtarymyzdy barynsha paidalaný, iri kásiporyndarǵa japsarlas óndirister ashý mańyzdy.
Men jýyrda Qaraǵandy oblysynda boldym. Sol kezde “Qarmet” metallýrgiia kombinatyna bardym. Otandyq investor kelgen soń, ondaǵy ahýal edáýir turaqtaldy. Kásiporyn jańǵyrtyla bastady. Bul qadam óndiriletin ónim kólemin aitarlyqtai arttyrýǵa tiis. Saran qalasynyń ekonomikasyn ártaraptandyrý jumysy júrgizilip jatyr. Onda avtokólik dońǵalaǵyn jáne turmystyq tehnika shyǵaratyn óndirister iske qosyldy. Sonyń arqasynda bul eldi meken monoqalalar sanatynan shyǵaryldy", - dedi Qasym-Jomart Toqaev.
Osy tusta, Prezident jalpy aimaqtardyń ósip-órkendeýine jol ashatyn jańa óndiris oryndaryn barynsha damytý kerek ekenin atap ótti.
