Almatyda balalardy jańa oqý jylyna daiyndaý kezinde otbasylardy qoldaýǵa baǵyttalǵan respýblikalyq «Mektepke jol» aktsiiasy jalǵasýda, dep habarlaidy dalanews.kz.
Búginde áleýmettik osal sanattarǵa jatatyn 7 669 bala kómek aldy. Aktsiiaǵa Almaty qalasynyń demeýshileri men metsenattary da qosyldy. Boljam boiynsha, qaiyrymdylyq kómegi taǵy 8 160 balaǵa kórsetiledi, olardyń 3 968-i qoldaýǵa ie bolyp úlgerdi.
Bólingen qarajat oqýshylarǵa mektep formasyn, kiim-keshek, mektep sómkesi men keńse taýarlaryn satyp alýǵa jumsaldy.
Otbasylarǵa balalaryn oqý jylyna daiyndaýdy jeńildetý maqsatynda qalada mektep taýarlarynyń 18 jármeńkesi uiymdastyryldy. Onda ata-analar qajetti oqý quraldaryn, kiim-keshek pen mektepke arnalǵan basqa da taýarlardy satyp ala alady.
Ártúrli sebeptermen bilim berý protsesinen tys qalýy múmkin balalarǵa erekshe kóńil bólinýde. Aktsiia aiasynda oqýdan jaltaryp júrgen kámeletke tolmaǵandardy, balalar eńbeginiń faktilerin jáne basqa da problemalyq jaǵdailardy anyqtaý boiynsha reidter júrgizilýde.
Búginde Almatyda myńnan astam reidtik is-shara ótkizildi. Olarǵa bilim berý júiesiniń, qorǵanshylyq organdarynyń, politsiianyń, ÚEU-lardyń, ata-analar qaýymdastyǵynyń jáne BAQ ókilderi qatysýda.
Eske salaiyq, memlekettik qoldaý jetim balalarǵa jáne ata-anasynyń qamqorlyǵynsyz qalǵan balalarǵa, az qamtylǵan otbasylardan shyqqan oqýshylarǵa, ataýly áleýmettik kómek alatyn otbasylardyń balalaryna, sondai-aq ómirlik qiyn jaǵdaiǵa tap bolǵan balalarǵa kórsetiledi.
Tólemdi alý úshin ata-analar nemese zańdy ókilder balanyń bilim alatyn jerindegi bilim berý uiymyna júginip, tiisti qujattardy usynýy qajet.
«Mektepke jol» aktsiiasy jalǵasýda. Onyń basty maqsaty – muqtaj árbir balany qajetti mektep quraldarymen qamtamasyz etý jáne oqý jylynyń bastalýyna teń múmkindik jasaý.
