Aýdandardyń jáne oblystyq mańyzy bar qalalardyń bilim bólimderi memlekettik bilim berý uiymdarynyń birinshi basshylarynyń bos nemese ýaqytsha bos laýazymdary paida bolǵan kezde úsh jumys kúni ishinde oblystardyń jergilikti atqarýshy organdaryna konkýrs ótkizý týraly ótinish engizedi.
Birinshi basshy laýazymyna taǵaiyndaýǵa arnalǵan konkýrsty vedomstvo nemese ministrliktiń qurylymdyq bólimshesi nemese oblystardyń, respýblikalyq mańyzy bar qalalardyń jáne astananyń jergilikti atqarýshy organdary jariialaidy.
Konkýrs ótkizý týraly habarlandyrý memlekettik bilim berý uiymynyń birinshi basshysynyń bos nemese ýaqytsha bos laýazymy paida bolǵan kúnnen bastap 15 jumys kúninen keshiktirilmei jariialanady.
Birinshi basshy laýazymyna usynylǵan úmitkerler ótinish pen qujattaryn Memlekettik korporatsiia nemese ministrlik kantseliariiasy arqyly tapsyrady.
Baiqaý birneshe kezeńnen turady:
- konkýrs jariialaǵan memlekettik organnyń resmi internet-resýrsynda, áleýmettik jelilerdiń resmi akkaýnttarynda konkýrs ótkizý týraly habarlandyrýdy jariialaý;
- konkýrsqa qatysýǵa niet bildirgen jeke tulǵalardan qujattardy qabyldaý;
- konkýrsqa qatysýshylardyń qujattaryn biliktilik baǵalaý;
- zańnamany, basqarýshylyq quzyretterdi, Pedagogika jáne psihologiia negizderin bilýge arnalǵan ulttyq biliktilik testileý;
- memlekettik bilim berý uiymynyń qamqorshylyq keńesimen kandidattardyń kelisýi;
- Mektepke deiingi, arnaiy (psihologiialyq-meditsinalyq-pedagogikalyq konsýltatsiia, psihologiialyq-pedagogikalyq túzetý kabineti, ońaltý ortalyǵy), qosymsha bilim berý uiymynyń, Qylmystyq-Atqarý Júiesi Komiteti janyndaǵy bilim berý uiymynyń basshysy laýazymyna ornalasýǵa úmitker kandidatqa qatysty qamqorshylyq keńespen kelisý júrgizilmeidi.
- oblystyń, respýblikalyq mańyzy bar qalalardyń jáne astananyń bilim basqarmasynyń konkýrstyq komissiiasynyń otyrysynda suhbattan ótý;
Qujat 28 shildege deiin kópshilik talqylaýǵa usynylyp, "Ashyq NQA" saitynda jariialandy.
Baiqaýdyń nátijeri boiynsha, memlekettik bilim berý uiymynyń birinshi basshysy 5 jyldyq merzimge taǵaiyndalady. Osy ýaqyt bitken soń eńbek kelisimsharttary QR Eńbek zańy negizinde qarastyrylady.
Aita keteiik, osyǵan deiin Bilim jáne ǵylym ministri Ashat Aimaǵambetov mektep direktorlary sheksiz eńbek sharttaryn jasatyp, bir orynda on jyldap otyra beretinin aitqan. Osyǵan bailanysty direktorlardy taǵaiyndaýdyń jańa erejeleri jasalady dep habarlanǵan edi.
