Aǵymdaǵy jyldyń 1 mamyrynda Maqtaaral aýdanynda oryn alǵan tótenshe jaǵdaıǵa baılanysty, Túrkistan oblysynyń jolaýshylar kóligi jáne avtomobıl joldary basqarmasynyń uıymdastyrýymen halyqty qaýipsiz aımaqtarǵa evakýasıalaý jumystaryna 30 avtobýs jumyldyryldy.

Atap aıtqanda, Maqtaaral aýdanynan – 5, Jetisaı aýdanynan – 5, Saryaǵash aýdanynan – 7, Keles aýdanynan – 3, Shardara aýdanynan – 10 avtobýs.

Qazirgi ýaqytta, Maqtaral aýdanynyń ortalyǵy Myrzakent eldi mekeninde 13 avtobýs daıyn tur. Qajettilik týyndaǵan jaǵdaıda qosymsha avtobýstar jumyldyrylatyn bolady. 

Sonymen qatar, aýdanǵa jol salasy boıynsha 65 arnaıy tehnıkalar jumyldyryldy. Máselen,  28 "Hova" júk kóligimen ınertti (qum, shaǵaltas) materıaldar jetkizildi. Sondaı-aq, sý basý qaýpi bar aımaqtarǵa 35 adam jumyldyrylyp, 120 kýb qap qaptalyp, bógetter jasaldy.

Budan bólek, "Qazavtojol" JSHS-i tótenshe jaǵdaıǵa 8 júk kóligin, 2 traktor, 1 avtogreıder, 1 júk artýshy kóligi men 10 jumysshyny jumyldyrdy. Mekeme tarapynan 550 tekshe metr topyraq jınalyp, bógetter úshin 2000 qap daıyndaldy.

Túrkistan oblysynyń Óńirlik komýnıkasıalar qyzmeti