Kemel keleshekke qol sozǵan – Maqtaaral aýdany
Búginde aýdannyń damý kontseptsiiasy ázirlenýde. Keshendi josparǵa sáikes, aýdannyń kireberisi sanalatyn Azattyq aýylynan bastap Atakentke deiingi, odan Myrzakentke deiingi joldardyń boiy abattandyrylyp, jaryqshamdar ornatylmaqshy. Sondai-aq, Atakent pen Myrzakenttiń kireberis qaqpalaryn jańadan salý úshin sáýlettik jobalar daiyndalyp jatqanyn aýdan ákimi Baqyt Asanov málim etken bolatyn.
Maqtaaral aýdanynyń jańa ákimshilik ortalyǵy – Myrzakenttiń jol jiekteri jańa keiipke enedi. Naqtyraq aitsaq, sharbaqtar men jol shamdary ornatylyp, abattandyrylmaq. Kógaldandyrý jumystaryn jalǵastyryp, jaiaý júrginshilerge arnalǵan aiaqjoldar salý josparlanýda. Abattandyrý jumystary aýdannyń barlyq eldi mekenderinde júrgiziledi.
Qazir aýdan ortalyǵyndaǵy Qojanov, Madihodjaev, Toiǵanov kósheleriniń jiektastary áktelip-syrlanǵan.
Aýdan ákimi apparatynyń ǵimaratyn jóndeýden ótkizý, mádeniet jáne sport nysandaryn abattandyrý, ǵimarattardy qaita qalpyna keltirý máseleleri de nazardan tys qalǵan joq. Kásipkerler arqyly aýdan ortalyǵynda saýda ortalyqtary men kásipkerlik nysandardy kóptep salý da josparda bar.
Dalanews.kz
