Kameraldyq baqylaý quqyqbuzýshylyqtyń aldyn alady
Jiyn barysynda Almaty oblysynyń Ishki baqylaý departamenti basshysynyń orynbasary 2018 jyldyń birinshi jartyjyldyq qorytyndysyna toqtaldy.
– Jyl basynan beri departament 25 myńnan astam memlekettik satyp alý úderisterin tekserip, nátijesinde 897 zańbuzýshylyqty anyqtady. Mundai zańbuzýshylyq óz jumysyna salǵyrttyq tanytyp, jaýapkershilikpen qaramaý saldarynan oryn aldy, – deidi Rahmanhan Tóregeldiev.
Kameraldyq baqylaý memlekettik satyp alý protsesi múmkindigin qadaǵalap, quqyqbuzýshylyqqa jol bermeýge septigin tigizedi. Al avtomattandyrý gosaýditti qashyqtan júrgizýge múmkindik beredi.
Bul memlekettik satyp alýdaǵy kameraldyq baqylaýdyń ereksheligi bolyp tabylady.
Qazirgi tańda kameraldyq baqylaý tolyq avtomattandyrylǵan. Tiimdiligi de – osy. Sebebi mekemelerdi, shalǵai ornalasqan eldi mekenderdi aralamai, únemi veb-portal arqyly onlain túrde qadaǵalap otyrýdyń múmkindigi zor.
Aita ketý kerek, quqyqbuzýshylyqtardyń aldyn alýdyń mundai tásili, memlekettik satyp alý rásimin jariialaýdan bastap, qorytyndylary shyǵarylǵanǵa deiin turaqty negizde onlain tártibinde júrgizilýinde. Jáne memlekettik aýdit obektisine buzýshylyqtardy óz betinshe joiýǵa múmkindik berý, salyqtyq esep nysandaryn durys jáne anyq toltyrý tártibine úiretý arqyly salyq tóleýshiniń salyq mádenietin kóterý.
