Osyǵan orai Túrkistan oblysynyń ákimi Janseiit Túimebaev qazaqstandyq investorlar «BI Group» jáne «Saýts-Oil» kompaniialarynyń ókilderin qabyldady.
Júzdesýde investorlar oblys ortalyǵy Túrkistan qalasyn damytýǵa óz úlesterin qosýǵa niet bildirip, «BI Group» kompaniiasy Túrkistan qalasynda 50 myń sharshy metrdi quraityn biznes ortalyqtyń jobasyn usyndy.
Ortalyqta ofistik bólmeler, májilis zaldary, jerasty avtoturaq ornalasatyn bolady. Al «Saýts-Oil» kompaniiasy 120 bólmelik 5 juldyzdy qonaq úidiń sáýlet josparlaý eskizderin tanystyrdy. Qonaq úi bólmeleri standartty, liýks oryndarynan bastap, eń joǵarǵy úlgide jabdyqtalǵan jaily bólmelermen, meiramhana jáne kontsert zalymen qamtylmaq.
Ǵimarattardyń jobalarymen tanysqan oblys basshysy investorlarǵa eskizdik jumystardy jetildirip, qurylysty ýaqytyly bastaý qajettigin jetkizdi.
«BI Group» kompaniiasy ókilderi jańa ákimshilik iskerlik ortalyqta oblystyq ákimdik pen aýmaqtyq mekemeler ǵimarattarynyń jáne Kongress ortalyqtyń qurylysyn júrgizedi. Ortalyqta forým, sammit, kontsert zaldar ornalasatyn bolady. Kompaniia mamandarynyń aitýynsha, qurylysy bastalsa, atalǵan barlyq nysandar 1 jarym jyldyń ishinde tolyq aiaqtalmaq.
Kezdesý qorytyndysynda oblys ákimi J.Túimebaev investitsiialyq jobalardy iske asyrýǵa investorlar men ákimdik arasynda birlesken jumys josparyn ázirlep, jumys tobyn qurýǵa tapsyrma berdi.
Túrkistan oblysy ákiminiń baspasóz qyzmeti
