Aita ketken jón, Qyzylorda oblysynda ótken otyrys barysynda da A.Myrzahmetov úndemei qalmady. Onyń aitýynsha, búginde zań jaǵynan bir qiyndyq bar. Qazirgi zańnamaǵa sáikes, iri jer ielenýshileri týraly aqparat qupiia málimetterge jatady. Jýrnalisterge suhbat bergen Úkimet basshysynyń orynbasary ári aýyl sharýashylyǵy ministri A.Myrzahmetov sol zańnyń «tosqaýylyn» taǵy bir márte eske salyp:
– Qazir biz ol tizimdi jariialaityn bolsaq, onda sol jariialanǵan adamdar bizdi sotqa berýi múmkin. Óitkeni biz olardyń quqyǵyn zań júzinde buzǵan bolamyz, iaǵni zańdy da eskerý kerek. Al ony jariialaý úshin olardyń kelisimi bolýy kerek. Ol jóninen biz qazir barlyq iri jer paidalanýshylaryna osyndai máseleniń, suraqtyń týyndap otyrǵanyn, osyǵan bailanysty sol olardyń kelisimin alý jóninde arnaiy resmi hattarynyń bári joldandy. Kelisimi barlary boiynsha, onda ony jariialaýǵa bolady. Al eger kelisim joq bolatyn bolsa, búgingi tańda ol zańǵa qarama-qaishylyq bolady, – dep atap kórsetti.
Al tilshilerge «Demek, zańǵa ózgeris engizý kerek deisiz ǵoi?» degen saýalyna: «Joq, endi bul bólek áńgime ǵoi...», – dep qysqa ǵana jaýap berdi.
Osydan úsh apta buryn Almaty oblysynda ótken komissiia otyrysynda osy máseleni ekonomist ǵalym, professor Kenjeǵali Saǵadiev te kótergen.
– Ái, osy 1,3 mln. gektardy sattyq. Kimge sattyq? Kimder olar? Qansha jerleri bar? Olar ne istep jatyr? Qaida turady? Osy týraly bir aqparat bar ma? Joq pa? Eger osynyń barlyǵy durys bolsa, ary qarai satýǵa bolady. Al eger bunyń ishinde kóptegen burmalaýshylyqtar bolsa, onda jabylý qazan jabýly, jerdi satpai, eń kemi, maratoriidi 10 jylǵa uzartyp jiberý kerek, – dedi K.Saǵadiev.
