Almaty oblysynda Ile aýdanyn 6 jyl basqarǵan Baǵdat Qarasaevtyń ne úshin ustalǵany belgili boldy, - dep habarlaidy Dalanews.kz.
Almaty oblysynyń Prokýratýrasynyń málimetinshe, Ile aýdanyndaǵy qoqys poligonynyń qyzmetin birlesip tekserý nátijesinde ákim sybailas jemqorlyqqa qatysy bar degen aiyppen qamaýǵa alyndy.
"Almaty oblysynyń prokýratýrasy men Sybailas jemqorlyqqa qarsy qyzmeti Ile aýdanynda ornalasqan qoqys poligonyn tekserý jumystaryn aiaqtady. Jedel-izdestirý is-sharalarynyń nátijesinde 2024 jylǵy 3 qyrkúiekte Qarasaev Qylmystyq-protsestik kodeksiniń 128-131-baptaryna sáikes sybailas jemqorlyq áreketteri boiynsha kúdikpen ustaldy. Oǵan kásipkerlik qyzmetke zańsyz aralasý, laýazymdyq ókilettikterin asyra paidalaný jáne olardy teris paidalaný aiyptary taǵylyp otyr, bul memlekettiń múddelerine ziian keltirgen", - dep habarlady Almaty oblysynyń prokýratýrasy.
4 qyrkúiekte prokýratýra prokýratýra bultartpaý sharasyn qaraý jáne sanktsiialaý úshin qylmystyq is materialdaryn sotqa jiberdi.
Eske salaiyq,buǵan deiin Almaty oblysynda Ile aýdanynyń ákimi Baǵdat Qarasaev ustalǵany habarlandy.
Antikor qyzmetkerleri ákimdi 3 qyrkúiekte ustaǵan. Qarasaev qylmystyq kodekstiń 361-baby (Laýazymdyq ókilettikterdi teris paidalaný) jáne 362-baby (Bilikti nemese laýazymdyq ókilettikterdi asyra paidalaný) boiynsha kúdikke ilingen.
Baǵdat Qarasaev ýaqytsha ustaý izoliatoryna qamaýǵa alynǵan.
Aita keteiik, Baǵdat Qarasaev Ile aýdanyn 2018 jyldyń qyrkúieginen beri basqaryp kele jatyr. Buǵan deiin Almaty oblysy ákiminiń keńesshisi qyzmetin atqarǵan.
