Fýtboldan Qazaqstan quramasy Farer araldarynyń quramasyn jeńe almady. Eń qyzyǵy, qarsylas sapyndaǵy oiynshylardyń bir bóligi kásibi fýtbolshy emes, dep habarlaidy dalanews.kz.
Farer araldary quramasynyń jartylai qorǵaýshysy Ioannes Bortalidtiń aitýynsha, komandada áli kúnge deiin áýesqoi jáne jartylai kásibi oiynshylar kóp.
«Bizde áli de fýtboldan bólek jumys isteitin nemese oqityn jigitter bar. Mysaly, qorǵaýshylarymyzdyń biri tolyq jumys kúni boiy jihaz satýmen ainalysady. Al oń qaptaldaǵy qorǵaýshymyz tańerteń elektrik bolyp jumys isteidi. Komandada fýtbol jalǵyz tabys kózi sanalmaityn oiynshylar az emes», – dedi ol Sports24 basylymyna bergen suhbatynda.
Bul málimdeme áleýmettik jelide qyzý talqylanyp jatyr. Jankúierler kásibi fýtbolshylardan quralǵan Qazaqstan quramasynyń fýtboldan bólek mamandyq ielerine qarsy basymdyq kórsete almaǵanyna nazar aýdarýda.
Farer araldary – halqy nebári 55 myńnan asatyn shaǵyn memleket. Soǵan qaramastan, jergilikti fýtbolshylar halyqaralyq deńgeide básekege qabiletti oiyn kórsetip keledi. Al olardyń keibiri negizgi jumysyn fýtbolmen qatar alyp júredi.
