2026 jyldyń qańtarynan bastap Qazaqstan azamattarynyń banktik shottary 20 ailyq eseptik kórsetkishten (AEK) asatyn salyq qaryzy bolǵan jaǵdaida buǵattala bastaidy. Bul týraly Memlekettik kirister komitetiniń ókili Qaisar Aryn málimdedi, dep habarlaidy Dalanews.kz.
Onyń aitýynsha, qaryz kólemi kórsetilgen mejeden asqan kezde aldymen salyq tóleýshige eskertý habarlamasy joldanady. Eger bereshek ótelmese, bank shottary, kassa jáne inkassalyq ókimder boiynsha shyǵys operatsiialary ýaqytsha toqtatylady.
Eger salyq qaryzy 45 AEK-ten aspasa, ádette osy sharalarmen shekteledi. Al bereshek 45 AEK-ten joǵary bolǵan jaǵdaida qatań sharalar qoldanylady.
Bul jaǵdaida salyq organdary:
-
debitorlardyń shottaryndaǵy qarajatty óndirip alýǵa,
-
múlikti túgendep, ony satýǵa,
-
al tótenshe jaǵdaida sot arqyly bankrottyq rásimin bastaýǵa quqyly.
Jańa talaptar salyqtyq tártipti kúsheitýge jáne bereshek kóleminiń ósýine jol bermeýge baǵyttalǵan.
